مصر موتورز مجتمع السيارات - سعر بيجو 405 موديل 1994

شوف يا سيدي ....
العربية بعد ال100,000 كيلوا بتبدأ تفتح بقها عند الميكانيكيه و الكهربائية
يعني ممكن تعطل منك في سفرية أو مشوار بالليل متأخر .. وممكن لأ !!
من الآخر عاوزه واحد يكون فاضي أو عنده حد فاضي يلف بالعربية و يشوف لازمها ايه !!
عنده سواق ، عسكري خدمة ، المكانيكي نفسه ممكن يجي يصلحها و يرجعها تاني .. كده يعني
فكله على حسب إستخدامك و حاجتك .. لو طبيعة شغلك مافيهاش هزار و لازم تروح و تيجي في مواعيد محدده
لازم تكون عربيتك تحت ال100،000 كيلوا ....
أما لو ممكن تروح للميكانيكي و غاوي العربيه نفسها ووقتك يسمح .. خلاص دور في القديم و هتلاقي حاجات لقطة
علشان كدة فيه ناس بتبيع الي عندها اما يوصل ل100،000 كيلوا
و فيه ناس بتشتري العربيات دي على إنها لقطة