مصر موتورز مجتمع السيارات - يا شباب المنتدى ادخلو بسرعه وافيدونى فى المشكله دى وقولو رايكم ضرورى جدا

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

رد: يا شباب المنتدى ادخلو بسرعه وافيدونى فى المشكله دى وقولو رايكم ضرورى جدا

اقتباس:

اولا السلام عليكم

دلوقتى العربيه بتاعتى اللانوس اتخبطت فى الرفرف اليمين جامد ودخل لجوه على الاخر

تمام ده عن طريق سواق حمار دخل غلط من على اليمين وطبعا الباب اليمين مش بيفتح وكمان اتحكت فى عظمه الباب عشان كده مش بيفتح
روحت بيها لسمكرى قلى هارجعلك الرفرف والباب وهياخد 100 جنيه تمام

وطبعا محتاجه دهان
روحت بيها لواحد قالى هيدهن الرفرف والباب اليمين وكمان الباب الى وراه بالمره ماهى العمليه خربانه خربانه
وكمان الاكصدامين الامامى والخلفى بالفرن وهياخد 400 جنيه

فهل الاسعار دى تمام ولا غاليه ولا ايه قولولى ايه رايكم ومحتاج الرد سريعا فى اقرب وقت منتظر ردكم
ضرورى

وعليكم السلام ورحمة الله وبركاته.

بالنسبة لمصنعية السمكري كويسه.
اما بالنسبة للدهان.
هو ليه هيدهن الباب الخلفي والرفرف الخلفي. انت بتقول ان الخبطه عندك في الرفرف الامامي والاكصدام والباب الامامي...
لو هو صنايعي صح هيدهنهم بنفس درجة اللون ومش حتبان... ولو هو عاوز يمكل الليله علشان درجة اللون مش عارف يظبطها. او اللون باهت. طيب ما العربيه كده حتبقي جنب وجنب.

نصيحه اعمل المرمات بس وبعدين تلميعة بوليش محترمه.

رد: يا شباب المنتدى ادخلو بسرعه وافيدونى فى المشكله دى وقولو رايكم ضرورى جدا

رأيي من رأي درايفت
ليه يدهن الباب الوراني بالمره خصوصا انه ما حصلش فيه حاجه و لو فابريكه يبقي حرام عليه
انا شايف انه بيعمل شغل عليك علشان ياخد فلوس و خلاص
انا من رأيي تسمكر الباب و الرفرق عند سمكري نضيف و ياخد مهما ياخد
لان الخبطه دي جايه في مكان من ارذل الاماكن اللي العربيه ممكن تتخبط فيها:(
الحته اللي بين الباب و الرفرف الامامي دي
و لو بوهيجي محترم مش حياخد اقل من 400جنيه في الباب و الرفرف دول!!!
انا بتكلم عن بويات نضيفه و فرن .
و لو جاب نفس الدرجه و ضربه اللون كويس مش حيبقي فيه فرق في اللون

رد: يا شباب المنتدى ادخلو بسرعه وافيدونى فى المشكله دى وقولو رايكم ضرورى جدا

اقتباس:

المشاركة الأصلية كتبت بواسطة drift_lover (المشاركة 39114)

اقتباس:

المشاركة الأصلية كتبت بواسطة hazem_khidr (المشاركة 39219)

احيانا افضل يدهن الجنب كله فى حالة ان البوية الاصلية بهتانة فساعتها مستحيل تيجى نفس الدرجة والافضل ان الجنب كله يمشى مع بعض (وده كمان اكتر مع الالوان الميتاليك)

وعامة الاسعار مش غالية بس زى ماقال الشباب اهم حاجة الصنعة (تدق كويس - تتمعجن كويس - تتسحق صح - تترش صح)

وابقى طمنا عملت ايه

رد: يا شباب المنتدى ادخلو بسرعه وافيدونى فى المشكله دى وقولو رايكم ضرورى جدا

اقتباس:

احيانا افضل يدهن الجنب كله فى حالة ان البوية الاصلية بهتانة فساعتها مستحيل تيجى نفس الدرجة والافضل ان الجنب كله يمشى مع بعض (وده كمان اكتر مع الالوان الميتاليك)

اختلف معاك يا ابونوره.
لو الصنايعي ماعرفش يجيب درجة اللون لرفرف... ويتحجج برش الجنب. استحاله حيظبطه مع الكبوت والشنطه والسقف...
ضبط درجة اللون (مع مراعاة تأثير الاحوال الجويه علي اللون) دي إحترافية الصنايعي. وبغض النظر عن اللون المدون في بيان رقم الشاسيه. لابد من التفتيح او التغميق علشان تاخد نفس الدرجه..
وفي الاخر طبعآ التلميع بيساوي الدنيا ببعضها.

رد: يا شباب المنتدى ادخلو بسرعه وافيدونى فى المشكله دى وقولو رايكم ضرورى جدا

الله يعوض عليك ! ورآيى كالتالى :

1- ماتستعجلش وتروح لآى حد بسرعه كده ! واضح انك اتخبطت من هنا و على السمكرى على طول ! وطبعآ
بتبقى زعلان و ملهوف والصنايعيه بيعملوا أحلى شغل فى الموضوع ده ! ( روح بعد أسبوع ) !

2- ماتسألش حد مين أحسن واحد بيعمل بدل ! ولكن شوف بدله جميله وتعجبك صنعتها على واحد عزيز عليك
واسئله عملت البدله دى فين ؟ كذلك السمكره والبوهيه نفس الشىء بالضبط !

3- اذا صنايعى قالك 100 ج اعرف انها ح توصل ل 200 أو 250 ج

4- اطمئن أهم حاجه على قايم الباب وكمان اكشف على العفشه و الكاليبر اليمين !

5- فى الحالات اللى زى دى أنصح برفرف جديد ولا تصلح على بارد أو ساخن ! ولازم السياره تترش كلها

6- اذا لك قرايب فى المنصورة - اتكل على الله فهى جنة اصلاح السيارات واسأل عنها فى الحرفيين !

والسلام عليكم و رحمة الله و بركاته

Dr. Bolbolan ptmnlo123per1127