رد: عندما يختلط الحابل بالنابل
 

أكيد فيه ناس مدفوع لها فلوس علشان تبلطج يا أستاذ طارق

البلطجة مش هوايه

المشكلة أن المجلس العسكري والداخلية بجبروتهم مش عارفين يمسكوا أي واحد من اللي بيمولوا البلطجية

حضرتك شوف كام حادثة حصلت في الـ ١٠ شهور, لحد دلوقتي مفيش قضية منهم خلصت وما عرفناش مين الجناة

وبصراحة ده اللي بيخلينا نشك أن المجلس العسكري له يد في كل اللي بيحصل

رد: عندما يختلط الحابل بالنابل
 

اكيد اخى الفاضل وانا معاك فى الموضوع ده

والبلطجه دى فلا صنعه مش هوايه
وانا معاك بردوا وبيضايقنى موضوع اللهو الخفى او الطرف الثالث اللى لااااااااااازم نعرفه

موضوع القضايا دى بنسمع فيها اكتر من رأى فيه يقول محاكمه عسكريه وسريعه يطلع ناس يقولوا مينفعش مدنى يتحاكم عسكرى والمحاكمه هتكون باطله
يحاكموهم مدنى لازم تظبيط الادله والا هيطلعلك محامى شاطر يضرب لك القضيه يعنى دوامه
وبعدين البلطجيه "عارف لما بينقلب السحر على الساحر" البلطجيه قلبت على الشرطه اللى كانت ممشياهم فالموضوع فلت منهم فالبلطجيه برطعوا فى البلد والشرطه لسه القلم شديد عليهم مافاقوش منه فشغالين دلوقت بدلع اوى يعنى تستاهلوا ياشعب علشان مرمطونا
لاكن الجيش مصلحته ايه نغمه عايز يمسك السلطه دى مش عارف اقتنع بيها لانهم رغم المظاهرات صمموا يكملوا الانتخابات يعنى لو عايزين يقعدوا كانوا اجلوها وطولوا الوقت لصالحهم
هما عايزيين ينتهوا ويسلموا السلطه والوقت قرب ليه لما الوقت بيقرب الدنيا بتولع لان تقريبا كده فيه هدف وهو اسقاط الجيش وجعله فى صدام وبكده تار بايت وقرف مننا للشرطه وتار تانى لنا يكون مع الجيش وبكده هنستقر ازاى لازم البلد تولع
وبعدين الفيديو ده انا نزلته فقط لاثبات ان فيه ناس بتدخل مع الثوار بتأثر عليهم وبيحاولوا يخلوا شكلهم وحش بس انا اقصد الموضوع شهور قليله فعلا فمن مصلحه مين ان البلد تتحرق
لو الجيش عايز كده كان عملها من الاول وبقينا سوريا وليبيا من بدرى؟؟