|
رد: .. الصينيون قادمون .. بس المره دي ... شكلها بجد !!!!!
اقتباس:
لسه كتير على ما نطمن لاعتماديه اي عربيه صيني .. وكفائتها و عمرها الافتراضي .... لكن اكتر حاجه لفتت انتباهي ( واعتقد انك حتتفق معايا عليها ) الطفره الفظيعه في التصمميات ... خصوصا مع شركات مشهوره بتصميمات وحشه وحشه ... و عربيات عجيبه الاشكال و النسب تخيل مثلا شانا بني اللي عندنا .. اللي ابتدت بشكل الماتيز المسروق وش ... لعبه .. http://www.asiancarsblog.com/wp-cont...chery-qq_2.jpg وبعدين ظبطوها شويه ... http://www.motormundo.com.co/files/i...e0.preview.jpg اكيد كل تصوري عنها انها بتستنسخ لعب اطفال ... لكن لما شفت العربيه دي ..... http://www.3tt3.net/up/upfiles/iqs72700.jpg صدمه فوريه ...جالي ذهول ... .. العربيه شكلها تحفه ... حتى لو كانت كونسبت ... حتى لو كانت بلاستك ... لكن حاسس اني بتفرج على بي ام او بيجو !!!! وده راجع للتصميم العام وتناسق النسب و الخطوط البسيطه الواضحه ... تصميم اوروبي بحت ... او جيلي ... اساتذه الهبش في التصميم و احسن شركه في العالم متعرفش تعمل نسب كويسه للعربيه http://indianautosblog.com/wp-conten..._300_proto.jpg http://www.businessweek.com/autos/au...oqing-4_wa.jpg http://www.motorawards.com/ve/deagen...geely/ha-3.jpg http://www.motorawards.com/ve/deagen...geely/ha-1.jpg لما اشوف لها عربيه بالشكل ده !!!! http://www.3tt3.net/up/upfiles/z5b72701.jpg Roewe دي اساسا شكلها حتكسر الدنيا ... تخيل اخدو مواتير و شاسيهات رووفر من التسعينات و طوروها و عملو تصميمات جديده و حيبيعوها في بريطانيا ... ده لو حصل كده تبقى وصمه عار على جبين الانجليز ... من ضمن التعليقات اللي شدتني لى العربيه دي ... واحد بيقول انه يفضل الناس تشوفه راكبها عن انه يركب السوبارو ليجاسي الجديده !!!! http://photo.netcarshow.com/Subaru-L...0_photo_01.jpg http://www.3tt3.net/up/upfiles/5qo74496.jpg القصد ايه ... النهارده مش حقدر اقول ان الصيني بيسرق تصميم و شكل عربياته و حشه و مستفزه بعد اللي شوفته ... طبعا الشركات الصيني العدد في الليمون .. لكن ابتدت تظهر شركات مبشره و تتضح المعالم ... وزي ما طوروا تصميماتهم ... وزي ما بينتجو لبي ام و فولكس و غيرهم شركات اوروبيه و امريكيه كتير ... بقى دلوقتي عندهم التصميم و التقنيه ... مع الوقت حيوصلو .. وحييجي اليوم اللي نفاضل فيه بين عربيه صيني و كوري ... زي ما جه اليوم اللي بنفاضل فيه بين كوري وياباني ... وزي ما بقينا بنفاضل بين ياباني و اوروبي ... المسافات بتقرب .. لكن وجهه نظري ... ان المعرض السنه دي اكد انهم جايين يعني جايين ..... حتى لو بعد 20 سنه ... وعلى رأي اخي اسلام جلال .. احنا حنفضل طول عمرنا نتفرج |
رد: .. الصينيون قادمون .. بس المره دي ... شكلها بجد !!!!!
اقتباس:
مشوار الصين ميتكلفش كتير ... وصله نت وهات اللي انت عايزه بالميل اقتباس:
فعلا زن سن بن بن ... العربيات شكلها تحفه ... وناس كتير ممكن المظهر يخدعها و يفتكر انها طالما من بره حلو يبقى كله كويس اقتباس:
واسهر اعمله كمان .. ده انا من 10 سنين بس ....كنت ببص على الكوري من طراطيف مناخيري ... النهارده راكب كوري و الحمد لله مبسوط بيها ... ptmnlo123per1127 لكن لسه مش قادر اقتنع اني ممكن اركب .... صيني ptmnlo123per160ptmnlo123p er1147 |
رد: .. الصينيون قادمون .. بس المره دي ... شكلها بجد !!!!!
جميل التقرير جدا فعلا مواضيعك مميزة
واحب ان اقول للاعضاء ان عشنا السنة الجاية زى انهاردة نتقابل باذن الله ويقلولى اية اخبار الصين لانها سوف تحتكر اسواق العالم فى صناعة السيارات واحنا لسة محلك سر نتريق وبس مش كدة ولا اية |
رد: .. الصينيون قادمون .. بس المره دي ... شكلها بجد !!!!!
اقتباس:
وبصراحه ... الصوره اللي عندي عن الصيني عماله تتغير اول مره لما شوفت الفولكس بولو سيدان على الطبيعه .... ولما شفت تقريرك عن ال BYD الصوره تطورت ... لكن كنت متحفظ على تكرار و نقل التصميمات بالحرف و مع صور المعرض والمعلومات اللي قريتها عنه ... الصوره عماله تتغير .... بس لسه شويه على ما اقدر احط ثقتي الكامله في اي عربيه صيني لكني مقتنع تماما انها مسأله وقت مش اكتر ... |
رد: .. الصينيون قادمون .. بس المره دي ... شكلها بجد !!!!!
شكرا علي الموضوع يا سامح باشا
هيا الصيني دلوقتي بتلعب نفس دور العربيات الياباني في اوائل السبعينات لما الناس كانت بتشوف الياباني و تقول يع ما اركبش ياباني و لحد اوائل التمانينات برضه كانت اشكال عربيتهم سيئه الي قبيحه يعني لسه قدامها مش اقل من خمس سنين علشان نحكم عليها |
| الساعة الآن 07:37 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017