مصر موتورز مجتمع السيارات - قرار شراء رينو داستر

مصر موتورز مجتمع السيارات (https://www.masrmotors.com/vb/index.php)

- رينو داستر Duster (https://www.masrmotors.com/vb/forumdisplay.php?f=162)

- - قرار شراء رينو داستر (https://www.masrmotors.com/vb/showthread.php?t=73723)

رد: قرار شراء رينو داستر

انا ردي عليك حيبقي في نقطة ان عند RPM 3200 العربية بتتكتم ولان مواتير الرينو عموما واحد - الموضوع دا كان موجود عندي في اللوجان بس العربية مش بتتكتم العربية بعد RPM 3000 تحس انها بتزوم وصوت الماتور بيعلي علي الفاضي وبعد كدة الصوت بيخف كتير والعربية سحبها بيعلي لكن مش كتمة - الموضوع دا كان عندي لغاية ما عملت بالعربية حوالي 7000 كيلو بعد كدة الموضوع دا راح تماما وبقت الموضوع عادي وصوت الماتور بقي واحد علي اي سرعة

نصحتي ليك ان اكيد المانول حيبقي متعب في الاول لغاية ما تاخد علية لكن انت بتقول ان العربية انت محتاجها فقط في مشوارك ما بين القاهرة والغردقة يعني موضوع مانول واتوماتيك مش فارق معاك لانك معظم الوقت علي الطريق بس طبعا العربية باذن الله حتفرق معاك كتير في المشاوير الطويلة والثبات علي الطريق يعني كفاية عرض العربية ووسائل الامان اللي فيها طبعا كل دا بعد ستر ربنا - ربنا يسلم طريقنا - وانا شايف انها انسب عربية ليك

تقبل تحياتي وربنا يهدينا لما فية خير لنا جميعا

رد: قرار شراء رينو داستر

شكرا ربنا يخليك يا أستاذ أشرف - أنا فعلا موضوع صوت الموتور و كتمتة كان مخوفنى لكن مادام الموضوع فى التليين و بس يبقى تمام.
وموضوع المانيوال مش مخوفنى اوى لان من اربع سنين كنت راكب مانيوال قبل الاتوماتيك و على رايك طول ما الموضوع اغلبة سفر مش ح يبقى فارق ان شاء اللة.
و ألف شكر لحضرتك.
SLAM

رد: قرار شراء رينو داستر

اقتباس:

المشاركة الأصلية كتبت بواسطة beeronasr (المشاركة 570295)

مساء الخير علي حضرتك العربية معايا عاملة 6000 كيلومتر و فعلا كان في كتمة بسيطة في الموتور بس بعد ما عديت 2000 كيلومتر حسيت اني راكب عربية تانية خالص السحب فرق جدا طبعا مش هتبقي زي اللانسر بس هي الاعلي في فئتها و خصوصا لو حضرتك بتقارن مع الكارينز , و من قوة عزم الموتور حضرتك ممكن تطلع بكل سهولة علي الغيار التاني مباشرة , المشكلة مع حضرتك انك هتحس بفرق الكماليات بين العربيتين غير كده الف مبروك علي حضرتك اشد و احسن عفشة عربية في مصر .

رد: قرار شراء رينو داستر

اقتباس:

المشاركة الأصلية كتبت بواسطة beeronasr (المشاركة 569922)

ربنا يباركلك فيها يا رب - كان فى تعليق من واحد راكبها ان ال rbm لما بيبقى عند 3200 العربية بتبقى مكتومة اوى و بعد كدة بترجع تسحب تانى - هل دة موجود فى كل العربيات ولا دى عيب فى عربية واحدة؟
أنا برضة محتار بقالى كتير و بصراحة خايف اندم - بس كلام حضرتك و انطباعات ناس تانية كلها ايجابية الحمد للة.
ناس تانية قالت بالفلوس دى تجيب كيا كارينز كاملة بس انا شايف ان الداستر اجمد بكتير و كنت راكب كارينز جديدة انا وواحد زميلى و معانا شنطة واحدة و مشغل التكييف - بصراحة كرهتها. كان لازم يقرص جامد علشان العربية تسحب معاة و كانت تقيلة و صوتها عالى (صحيح اوبشن اعلى كتير بس اضعف كتير)
و عزل العربية و صوت الموتور جوة الكابينة عامل اية - محدش اتكلم عنة؟
أخر حاجة رأى حضرتك فى اتزان العربية على سرعة و ملفات لانى بأسافر كتير القاهرة - الغردقة و معايا أسرتى و موضوع الاتزان دة يعتبر اهم حاجة بالنسبة لى و خاصة ان معايا لانسر و دى بصراحة ثابتة لدرجة لا توصف - فمش عايز اندم بصراحة.
و لسيادتك جزيل الشكر على نصائحك ووقتك

**********************
بالنسبه rpm3200
انا ما عديتش 3000 بس ما حسيتش لسه بالى بتقول عليه
بالنسبه لصوت الماتور اول ما ادور السياره بيكون معدى 1300 على البارد وفى خلال دقيقتين بيكون نزل للمستوى الطبيعى ومتسمعش صوت السياره :hd:
وما تسألنيش عن الكارينز لان صحابى كانوا بيسفروا بيها وقالوا ان سحبها وماتورها موش اد جسمها
ياريت تتفرج الى الفيديوهات الى موجوده على النت بانسبه للسياره
بالتوفيق واكتبلنا اخبارك :wave2W21:

رد: قرار شراء رينو داستر

متشكر جدا لحضراتكم جميعا - انا شفت الفيديوهات و التعليقات على النت و كلها تمام بس كان يهمنى رأى اللى راكبها و مجربها و حضراتكوا ما شاء اللة بتشكروا فيها أوى و دى حاجة تشجعنى على الاقدام فى شرائها.
وواضح ان موضوع كتمة الموتور موجود بس فى مرحلة التليين و بعد كدة بيختفى.
مش ناقص غير اتزان العربية على سرعات عالية أخبارة اية و دة لان اغلب مشيها ح يبقى سفر و طريق العين السخنة كلة منحنيات عاصية. و ربنا يسترها مع الجميع ان شاء اللة.
هل حضراتكم جربتوا السفر بيها ؟ و اخبارها اية؟