رد: مشكلة كبيرة بالكليو ......... عاجل
 

من اكثر اسباب تلف الكويل

1. سلك الارضى بتاع الماتور مش واصل للشاسيه مظبوط
2. سلك البوجيهات او البوجيهات قدمت او تلفت
3. الاهتزاز
4. الحرارة الزائدة
5. الميه

رد: مشكلة كبيرة بالكليو ......... عاجل
 

شكرا بشمهندس احمد
فعلا انا بقالي سنتين مغريتش البواجي وغيرتهم قبل ما تحصل المشكلة دي باسبوع
وبالنسبة للاهتزاز انا عندي قاعد ة الماتور اليمين مكسورة وحاسس بكدا
معلا ممكن تنبيهات بخصوص ميعاد تغيير البواجي وبعض الامور الفنية الخاصة بالصيانة للعربية الكليو
شكرا

رد: مشكلة كبيرة بالكليو ......... عاجل
 

طيب انا كده حاسس العكس ان تغيير البوجيهات هو الى جاب اجلهم
طالما كانت ماشية كويس و بعد ما اتغيروا باسبوع ظهرت المشاكل
ممكن يكون مبيتش الكويلات كويس على البوجيهات ( هو مفيش سلوك ؟ صح ؟ يعنى الكويل على البوجيه على طول ؟ )
او البوجيهات غير مطابقة للمواصفات
و لو القاعدة المكسورة بتسبب اهتزاز جامد و ده احتمال كبير فلازم تتغير

رد: مشكلة كبيرة بالكليو ......... عاجل
 

للاسف البواجي اللي ركبتها كانت NGk بتاع تويتا نفس السن
والحمد لله لي كل حال
الحاجة اللي عايز ليها تفسير ليه الكويل المقابل للجديد ضرب
البواجي القديمة كانت شامبينون كنت مغيرة بدل الاصلي اللي كانت راكبه كانت اصلي رينو
لكن الحمد لله شيلت البواجي NGK
وركبت مكانها بواجي جديدة رينو من الوكالة وربنا يستر

رد: مشكلة كبيرة بالكليو ......... عاجل
 

طيب راجع برضه على سلك الارضى
و احتمال بس دى فتوى لانى مفهمش فى الكهربا اوى ان لما الكويل تعب زود الفولت على زميله التانى
و متنساش قاعدة الماتور