رد: مالا تعرفه عن الكشافه
 

للاسف اليومين دول تقريبا معدش فية فرق كاشفية في المدارس - لاني معدش بشوفهم يا ريت ترجع تاني

وعلي ما اتذكر انه كان فية نادي كشافة بحري بالاسكندرية في منطقة بحري جنب تكا وكان زمان فية نشاطات هايلة بس مش عارف دلوقت لسة شغال ولا لأ

عموما انا فعلا اتعلمت حاجات كتير كويسة من انضمامي للكشافة زمان - منها علي سبيل المثال ربط العقد ونصب الخيم وكان عندنا معسكرات لمدة يومين او تلاتة كان اعتمادنا الكلي فيها علي اشياء بدائية جدا زي الاكل اللي كان بيتعمل علي نار الاخشاب المتوفر في المنطقة بتاعة المعسكر وكان عبارة عن بطاطس مدفونة في الرمل وبيتولع فوقيها خشب وكان طعمها يجنن

وعلي فكرة كان لينا برضة في مصر اغاني جميلة اتذكر منها مثلا

احنا الكشافة هي دي حياتنا
مغامرات وبطولة في معسكاراتنا

طبغا مش فاكر الباقي الكلام دا كان من اكتر من 20 سنة

رد: مالا تعرفه عن الكشافه
 

نطلع رحلة خلوية نرجع بعزيمة قوية ولا حد يقدر يوقف عزيمتنا ولا حد يقدر يوقف عزيمتنا
فى البحر تلاقينا ضفادع بشارية و فى البر تلاقينا أسود نحمى الحرية لا حد يقدر يوقف عزيمتنا ولا حد يقدر يوقف
ياااااااااااااااااه أيام جميلة موضوع جميل أوى يا مرمر

رد: مالا تعرفه عن الكشافه
 

احنا الكشافة هي دي حياتنا مغامرات و بطولة جوة معسكراتنا
في البحر تلقينا ضفادع بشرية و في الجو تلقينا نسور تحمي الحرية
عالبر تلاقي صدانا صعقة علي من عدانا
و احنا الكشافة هي دي حياتنا مغامرات و بطولة جوة معسكراتنا

شكرا @ واحد من الناس @ فكرتني بيها كاملة

رد: مالا تعرفه عن الكشافه
 

الذكريات حلوه
اوووووووووووووووووووي
اتمني اان كل االلي عندوا ذكريات عن الكشافه يقول

رد: مالا تعرفه عن الكشافه
 

اولاً جمعية الكشافة الجوية ودول بتلاقى الزى بتاعهم قميص لبنى او ازرق وبنطلون اسود
ثانياً جمعية الكشافة البحرية ودول بتلاقى لبسهم قميص ابيض وبنطلون اسود ومنتشرين قوى فى الاسكندرية
ثالثاً جمعية الكشافة البرية او الفتيان ودول لبسهم قميص بيج وبنطلون بنى واتشرف انى اكون واحد من القادة بتاعة الجمعية دى