رد: محتاج ماتور لجولف 2 موديل 89 وعاوز رايكم اركب 1300 ولا 1600 ولا 1800
 

طيب يا جماعه ايهما افضل وياريت الاسعار وهل الحرفيين افضل مكان ام بورسعيد افضل مع العلم انى ساكن فى فيصل فى الجيزة فا ياريت تقولولى اى ماتور افضل من حيث الاستخدام والسحب والقوة وفىنفس الوقت من حيث قطع غياره المتوفره ومدى استهلاكه للبنزين لانى كده كده هركب تكييف واحتمال اجيبه مع الماتور كامل فى بعضه ومشكورين مقدما على حسن التجواب

رد: محتاج ماتور لجولف 2 موديل 89 وعاوز رايكم اركب 1300 ولا 1600 ولا 1800
 

انا سمعت ان افضل ماتور ال 1800 pp ممكن نعرف سعره وحد جربه من حيث الكفاءة وقطع غياره ؟

رد: محتاج ماتور لجولف 2 موديل 89 وعاوز رايكم اركب 1300 ولا 1600 ولا 1800
 

سعرة 4500 جنية وبلنسبة للادااااء حلو جدااااا وقطع غيارة متوفرة ومش غالية واعطالة قليلة جداااا:Bravo:

رد: محتاج ماتور لجولف 2 موديل 89 وعاوز رايكم اركب 1300 ولا 1600 ولا 1800
 

طيب السعر ده شامل ايه العفشة بتاعته والكبالن والضفيرة بتاعته والتكيف والردادتير بتاعه ولا شامل الماتور بالضفيرة فقط وياريت اعرف فعلا فيه فرق كبير اوى بينه وبين ال 1600 انا استخدامى للعربية استخدام طبيعى عادى بس العربية فابريكة بره وجوه ونادر لما تلاقى حالة زى دى فى الجولف 2 فا كده كده مش هنبيعها نهائى ولو حبيت اركب زيرو هديها لاخوية فا عاوز اعرف ايه الصح وايهما الاصلح ال 1600 ولا ال 1800 ايه المميزات والعيوب بين الاتنين معلش تعبك معايا

رد: محتاج ماتور لجولف 2 موديل 89 وعاوز رايكم اركب 1300 ولا 1600 ولا 1800
 

بص مبدئياااا مافيش موتور بيجى بلريداتير بتاعة هو ممكن يجى بلعفشة بس مش دايمااا هو ديمااا بيجى بلكنترول و الضفيرة بتعتة وبيبقى فى كمبريسور التكيف كماان راكب بس السعر الى انا قلتة دة شامل الكنترول والضفيرة و الفتيس منغير العفشة وعلى فكرة العفشة مش غالية الجنبين كاملين ب 350 جنية وبخصوص الفرق بين ال1600 و ال1800 لاء فية فرق وفرق كبير كمااااااااان و انا شايف ان ال1800 طبعا احسن لانة هيبقى احدث اكيد من التانى انسى بقى جو الكربراتير دة وبعدين هتحمل تكيف مع خمس افراد فى العربية مش هتحس وطبعا ميسلمش الامر عايز تطلع من عربية ولا حاجة مع ال1800 مش هتحتااج حتة تسقط غياااار