رد: مشكله رخمه ومضيقانى وعايز مساعده
 

الزيت كدا معقول اوي و حتي لو فيه حاجه كانت بانت
المشكله كدا بوجيهات 95 %
عموما السوق كله بوجهات مضروبه كبيرها 15 يوم ,و بتتسمي رطبت و تترمي
علي اي حال اي فك للموتورهيكلف و صعب يرجع زي الاول
وغالبا العيب في البوجيهات المضروبه وعلي شان كدا سالتك عليها
و من غير مصاريف ولا وجع قلب و مغامره فك الموتور
اتكل علي الله و اختار الاقرب و الارخص و الاقل خساره اذا كان فبه خساره اساسا

رد: مشكله رخمه ومضيقانى وعايز مساعده
 

بص يا باشا أول ما سمعت صوت بشكل دربكه وكراكه وحجات كدا يبقى اول حاجه تطمن على الطنابير ممكن حاجه مش مربوطه كويس دا أولا
كمان بتتأكد ان السيور والبلى بتاع الديناموا والمروحه وماكينة الباور واى حاجه فيها بلى بتشتغل والعربيه واقفه أكد على بليها بعد كدا ثالث حاجه ودى الارجح أكد على سير الكاتينه وبليتين الكاتينه
بليتين الكاتينه أكد عليهم الثابته والمتحركه غالبا حاجه فيهم او طنبورة هيا السبب
وان شاء الله تكون حاجه بسيطه وتتحل

رد: مشكله رخمه ومضيقانى وعايز مساعده
 

نسيت اقولك أكد على مستوى زيت الباور بيعمل زنه بسيطه لو نقص

رد: مشكله رخمه ومضيقانى وعايز مساعده
 

تمام ياباشا المشكله فعلا طلعت بسبب الزيت امبارح بليل غيرت الزيت والفلتر المشكله طلعت فى الزيت الى كنت حاطه الاول كان تقيل يعنى كان مضروب مش عارف ازاى وانا جايبه متبرشم بس الى غيرلى الزيت امبارح قالى كده وفعلا الزيت الى كنت حاطه المره الى فاتت كان تقيل جدا ونقص بسرعه والى حاطيته امبارح كان خفيف انا حطيت شل فى البنزينه بتاعت شل بس الى محيرنى ازاى الزيت نقص ولمبه الزيت منورتش مش هى المفروض تنور لما مستوى الزيت يقل عن الطبيعى ولا لا وال انا كده عندى مشكله فى لمبه الزيت

رد: مشكله رخمه ومضيقانى وعايز مساعده
 

لمبة الزيت مش هاتنور الا لو الزيت مطلعش الى الهد فوق ودة بيحصل اما الطلمبة مستواها ما بيحصلش الزيت يعنى تقريبا اقل من كيلو زيت