رد: ميتسوبيشى Out lander بنكهة الشارك 2010
 

بالعكس شكلها جميل جدا و عجبنى جدا جدا

انا سوقت الأوت لاندر 2004 من أجمل العربيات اللى سوقتها فى حياتى و تشعر أنها ثقيلة على الأرض و ثابتة جدا فى الملفات
و بالمناسبة الدفع الرباعى فيها بصفة مستمرة يعنى لا يمكن فصله نهائيا

رد: ميتسوبيشى Out lander بنكهة الشارك 2010
 

هي بصراحة شكلها غريب مش عارف حلو ولا وحش
بس الشكل الموجود دلوقتي شايفة احسن احنا جيبنها لاختي موديل 2008 و العربية بصراحة هايلة و سواقتها اقرب للصالون من 4X4

رد: ميتسوبيشى Out lander بنكهة الشارك 2010
 

تم تعديل الموضوع ده في الشكل الجديد يا باشمهندس و بقي فيه عتلة للتحويل من 2wd ل 4wd او 4hwd

http://photo.netcarshow.com/Mitsubis...8_photo_19.jpg

رد: ميتسوبيشى Out lander بنكهة الشارك 2010
 

صور روووووووووووووعة والله و التابلوة ولا اجمل من كدة

شكراااااااا جداااا يا غالى و الله

رد: ميتسوبيشى Out lander بنكهة الشارك 2010
 

ربنا يبارك لكم فيها يا باشا ...

بس غريبة ان اى عربية تانية تعجبك بعد عربيتك ..... ربنا يبارك لك فيها يا باشا و يديك خيرها و يكفيك شرها

صحيح يا باشا انا سقت عربيات جيب كتير و بصراحة ولا واحدة منهم عجبتنى بس طبعا كلها حاجات مش جامدة قوى يعنى مثلا انفوى, تريل بليزر, باجيرو ,يوكن, باثفايندر... بحس و انا داخل على ملف انى هقع من العربية و عربيات تقيلة كدة و تجاوبها مش تمام خالص .. و عموما اسوأهم على الاطلاق بدون منافسة هى الباجيرو ... عربية ...و احسنهم كانت الباثفايندر....

بس ماسقتش البورش قبل كدة و النبى طمنى و قولى هى زى الجيبات التانية ولا سواقتها زى السيدان علشان لو زى الجيبات التانية هتعقد بقى
هو اللى متأكد منه ان ثباتها طبعا فوق العادة و قوتها على حسب هى عادية و لا اس و تيربو و لا تيربو اس

و انا بصراحة محتاج اجيب جيب قريب و طبعا بفكر فى الالمانى اولا و بعض العربيات التانية زى الكاديلاك اسكاليد و النيسان باترول لأنى اسمع ان اداءهم كويس بس برده افضل الالمانى.. هى طبعا البورش مش أول ولا تانى اختيار نظرا لسعرها اللى مش غالى خالص :) بس انا غالبا هجيب مستعمل
فا قولى ايه اخبار السيرفس و قطع الغيار ....

و عموما البورش دى بالنسبة ليا اسطورة فا طمنى الله يكرمك..
و الف شكر يا باشا