مصر موتورز مجتمع السيارات - زيادة 2000 جنيه على نيسان صنى 2012 اللى هيه 2011

اقتباس:

المشاركة الأصلية كتبت بواسطة memodina1 (المشاركة 515686)

هى اساسا عربية كلها مشاكل وكمان غالية الناس كلها بتشتكى منها محدش ركبها الا وندم ماعادا القديم من اول 2005 بعد كدة تقدر تقول قمة انعدام الضمير فى التقفيل وحاجات مقرفة فيها قارفة لناس وكمان غالى اوى بصراحة 105 دا النيواكسنت اربى برقبتها وانا جربت الاتنين

معلش ياسيدي الفاضل ياعني إيه كلها مشاكل ممكن تفسر كلامك شوية.
أصلي دا كدة يبقى كلام متحيز لأنك ماوضحتش إيه هيا المشاكل ياسيدي فيدنا يمكن ناخد بالنا من الي مش عارفينه.
أنا ضد زيادة اي أسعار وخاصتا في العربيات الي هيا أصلا سعرها مرتفع وكمان أنا بشجع جدا المقاطعة الكاملة لأي سيارة زيرو والي مزنوق وقي يفك حاله بأي حاجة مستعملة لحد مايشوفولنا حل في الإستلطاخ الي بيستلطخوهولنا بقالهم سنيـــــن, إزاي ياعني أركب عربية كوري ويبقى سعرها معدي الـ 100 الف بمراااحل على أساس إيه مش فاهم.
وفي نفس الوقت أكبر ميزة للصني هيا سعرها مقابل ما تقدمه ياعني أنا عايز حد يجيبلي عربية في سمعتها وأداءها وتكون ياباني وتكون نفس الفئة وتكون بنفس السعر إما كانتشي هتفرق عن سعرها 10 آلاف وأكتر مابقاش أنا.
وأنا نفسي أفهم انا أر بي إيه دي الي تتقارن مع الصني أصلا إنتوا بتهزروا ياجدعان كفااااية قوي إني أبقى راكبها أوتوماتيك مثلا وأنا عارف إني الفتيس دا ياباااااااااني ولما تيجي تقارنها با أر بي حتى شوفلي بقى بعد إذنك الآر بي أوتو كاملة بكام وقولي تفرق عن الصني قد إيه.
طيب فرق الوكيل بين نيسان وبين غبور في ذمتك إنتا إستريحت مع غبور في أتفه حاجة كنت بتعملها في أي عربية هايوووو وخاصتا بقى لو إنتا ياعيني من عامة الشعب الي راكبين أكسنت وفيرنا بيعاملهم كإنه مستخصر فيهم الخدمة وغير طوابير الإنتظار التي لا تنتهي وإلا بقى عليك وعلى مراكز الخدمة المعتمدة والي بردو بقت أزحم من يوم صلاة العيد.

بالنسبة لصاحب الموضوع أنا هنصحك نصيحة لوجه الله بلاش تشتري جديد الفترة دي وياريت لو تعرف أي حد عايز يشتري زيرو حاول تقنعه العربيات مالية الدنيا مستعملة ودور شوية هتوفرلك قرشين إنتا أولى بيهم وماتخليش حد يستغلك أو على الأقل هتركب عربية احسن من الي إنتا ناوي عليه أيا كان جديد بنفس المبلغ تعب ساعة ولا تعب كل ساعة إتعب شوية لحد ماتلاقي عربية كويسة.