مصر موتورز مجتمع السيارات
صفحة 2 من 4 1 2 34
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   تعديل السيارات العــام (https://www.masrmotors.com/vb/forumdisplay.php?f=5)
-   -   تجربتى مع فيشة الاوكتان (https://www.masrmotors.com/vb/showthread.php?t=67721)

aymangalal 14-09-2011 02:37 PM
رد: تجربتى مع فيشة الاوكتان
 
اقتباس:
المشاركة الأصلية كتبت بواسطة احمد على 1999 (المشاركة 512622)
بس للاسف 80 في بلدنا زي ما انت قولت فيه شوائب و حتسد الفلتر
هو فلتر الانجكشن غير الكربراتير؟؟ يعنى على كده انا محتاج اغير فلتر بنزين كل يوم بسبب بنزين 80 ... ولا ايه؟؟الفلتر عندى بقاله سنه او 8000كم يا ترى اغيره امتى؟

احمد على 1999 14-09-2011 05:08 PM
رد: تجربتى مع فيشة الاوكتان
 
هي لو الطرمبة عندك ميكانيكية رداخ يعني فصعب تبوظ بسبب انسداد الفلتر المشكلة لو هي كهرباء بتتعب الماتور بتاعها لما الفلتر يقرب يتسد عشان ارتفاع فرق الضغط
فممكن تغيره علي 10 تلاف اضمن لو سعره معقول اما لو غالي فكل 2000 فكه و نضفه
علي فكرة انا خابط الارقام جزافي

eng.osama 15-09-2011 01:40 AM
رد: تجربتى مع فيشة الاوكتان
 
"خابط الارقام جزافي"

ههههههههههههههههههههههههه هههههه
جامدة والله العظيم

Mr.Mostafa veto 15-09-2011 06:14 AM
رد: تجربتى مع فيشة الاوكتان
 
اقتباس:
المشاركة الأصلية كتبت بواسطة احمد على 1999 (المشاركة 512481)
بالنسبة للتويوتا اكيد و الله اعلم مفيهاش فيشة اوكتان بيبقى البديل المتطور حساس تسقيف بيعمل عمل الفيشة بس اوتوماتيك يعنى بدل ما بيبقى فى فيشة و تطر تفكها و تعدلها و تركبها لأ بمجرد تغيير نوع البنزين حساس التسقيف بيعدل بروفيل منحنى توقيت الاشعال و الرشاشات حسب نوع البنزين من خلال احساسه ببدىء التسقيف

و لصاحب الموضوع خلى بالك كتاليزر علبة البيئة حيسيح + فلتر البنزين حيتسد بسرعة و حيجهد الطرمبة + احتمال حساس الاكسوجين يبوظ على المدى البعيد

يا أستاذ/ أحمد على
انا مش عارف اروح منك فين ولا من معلوماتك
ومش لاقى كلام اقوله و مش لاقى كلمة تعبرعن الشكر على المعلومات و النصايح
بجد شكرا من القلب

ALNAZER 19-09-2011 03:01 AM
رد: تجربتى مع فيشة الاوكتان
 
انا اتأخرت فى الرد و استنيت لما اشوف كل الردود و صبرت لما اسمع كل التعقيبات :bb127bc6eab060e3e23ارد انا بقى و عن تجربة :-
اولا موضوع الشوائب فى بنزين 80 كلام غير دقيق لان الفرق بين 80 و 90 و غيرهما هو الاوكتان و بس اما الشوائب فتتوقف على البنزينة اللى حضرتك بتمون منها انت ممكن تحط لعربيتك بنزين 95 من بنزينة خزاناتها مليانة بلاوى يخلى عربيتك تبرجل و كأنك حطيتلها سولار
و اما عن فلتر البنزين فانا بغيره كل شهر و دا المعدل الطبيعى بتاعى من يوم ما اشتريت العربية
و اما طلمبة البنزين باظت منى بعد شهر و نص من شارء العربية مع العلم انى وقتها كنت بحط بنزين 90 على طول و غيرت قلب الطلمبة بقلب طلمبة لانسر يابانى و بقالها دلوقتى سنة و شهرين زى الفل


الساعة الآن 02:39 AM.
صفحة 2 من 4 1 2 34
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017