|
رد: اخر كلام فى تكيف الماروتى
اقتباس:
هو حضرتك ركبت التكييف اصلا ولا ركبت عربية ماروتي مكيفه صح؟؟؟ العربية معايا ومكيفه والتبريد الظهريه ممتاز للكرسيين الاماميين وبالليل بجمد منه وبيفصل وهوا عالواحد بلاش بس اي كلام والجو في الهند احر من عندنا والعربية بتنزل عندهم مكيفه اصلا..... تحياتي |
رد: اخر كلام فى تكيف الماروتى
بص يا باشا
عربيتى الصغيره اللى فاتت كانت مكيفه اصلا مش انا اللى مركب تكيف و فعلا غيرت الماتور بالكامل عندى اصحابى كمان معاهم ماروتى فى منهم ركب تكيف فى الماروتى و مكانش مرتاح بيلاقى عضه فى الفتيس فى التالت و التانى و كهربه العربيه اتلخبطط و العربهي كانت بتسخن معاه و راح للميكانيكى و عمل عمره ماتور ده لسه من قريب و مش عارف بعد العمره اخباره ايه لانى مشوفتهوش و بعدين مش شرط العربيه يبان عليها الاعراض دى على طول على حسب استهلاك التكيف يعنى بيشغله على طول و لا كل فتره انا قولت بس اقول تجربتى مع تجربه اصحابى لان ده اللى حصل معانا يعنى كان ممكن لو انا اللى شارى التكيف يحصل حاجه لكن انا بقولك العربيه اصلا مكيفه من بلاها طب تيجى ازاى ناس حظها العربيه بتكون كويسه معاها مع التكيف بس انا قملوتش حاجه يعنى من دماعى لانى لازم ابقى متاكد ميلون مره قبل ما افيد حد على العموم جزاك الله كل خير شكر وتقديرشكر وتقديرشكر وتقديرشكر وتقديرشكر وتقديرشكر وتقدير |
رد: اخر كلام فى تكيف الماروتى
يا استذتنا الافاضل حلا للجدل انا من سافصل لكم الموضوع والتجربه والمشاهده العمليه خير برهان
انا التكييف عندي بفقاله سنتين وانا مركبه يعني مش جاي مع العربيه الحمد لله معملتش عمره للماتور الحمد لله التكييف شغال وممتاز بالنسبه لحجم العربيه وقوة ماترورها العربيه بتعتي موجوده والعقد اللي اشتريت بيه التكييف موجود والمركز اللي ركبت فيه التكييف موجود واللي عاوز يشوف بعينه يتفضل الف مليون مرحب انا ممكن يكون معايا عربيه 1300 سي سي وبستعمالي انا للعربيه انا اللي ابوظ ماتورها لكن مش التكييف اللي بوظ ماتورها برضه مش اي مركز اروح اركب عنده تكييف للعربيه لازم تكون ناس فاهمه مش يحط اي كباس في الماور واي سيور واي حاجه المهم تشتغل قدام الزبون ولما يمش ملناش دعوه لا لازم يكونو ناس فهمين هما بيعملو ايه انا ركبت التكييف ب 3200 جنيه انا عارف انه غالي جدا وفيه ناس ركبته 2500 جنيه لكن رجعو اشتكو انا ركبت التكييف عن ناس فاهم يعرفو يركبو ايه للعربيه ومش الماروتي دول بيشتغلو في انواع كتير بس ها محترفين في الماروتي والشاهين والريجاتا والبيجو والهونداي حفظين كل مسمار فيها فين انا تاني بكرر اللي يحب يجي يشوف العربيه عندي وهيا مكيفه بقالها سنتين لا ماتور فوت ولا العربيه خربت يتفضل انا د مش اعلان ده نصيحه لوجه الله شروط نجاح عمل التكييف في الماروتي ناس فاهمه تركب التكييف صح انا استعمل العربيه صح يعني مش ادوس بنزين علشان اجري بالعربيه واحصل مرسيدس ولا بي ام لحد ما الماتور يفوت واقول التكييف هوا اللي بوظ العربيه (علي فكره انا بسوق بيها لحد 100والتكييف شغال اللهم لا حسد) صيانه دوريه للعربيه وتغيير زيوت وفلاتر وسيور في مواعيدها بكده اضمنلك سلامه التكييف وسلامه العربيه ملاحظه اي ماتور ممكن واحد يفوته في اقل من ربع ساعه لو انت قرصت عليه اكتر من اللازم وودرجه حرتها مرتفعه اضمن انك فوت الماتور في اقل من ربع ساعه لو العربيه زيرو واسئل مجرب |
رد: اخر كلام فى تكيف الماروتى
اقتباس:
|
رد: اخر كلام فى تكيف الماروتى
اقتباس:
يا باشا متشكرين على التفصيل الجميل ده و انا لما قولت كده كنت بحكى قصتى مع عربيتى شخصيا مع سيارات اصدقائى مش اكتر يمكن اصدقائى كانوا بيقرصوا على العربيه بس اللى مش فاهمه بقى عربيتى 1000 سىسى و مكيفه اصلا و مش بقرص على العربيه و استعمالى خفيف جدا على العربيه لانى من النوع اللى بخاف على حاجتى مش العربيات بس ايه بقى اللى خلانى اغير ماتور كامل هو ده السؤال اللى محيرنى |
| الساعة الآن 04:39 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017