مصر موتورز مجتمع السيارات - مساعدة فى عربية عاملة حادثة يا اخوان

مصر موتورز مجتمع السيارات (https://www.masrmotors.com/vb/index.php)

- سوزوكى Suzuki (https://www.masrmotors.com/vb/forumdisplay.php?f=33)

- - مساعدة فى عربية عاملة حادثة يا اخوان (https://www.masrmotors.com/vb/showthread.php?t=65085)

رد: مساعدة فى عربية عاملة حادثة يا اخوان

هات بابين استيراد بلون العربية و ركبهم و ريح دماغك - سمكرة يبقى معجون و العربية متعايبة و حتدفع اكتر كمان

اوعى تصلح - فك و ركب - السمكري ياخد في البابين فك و تركيب 50 جنيه

رد: مساعدة فى عربية عاملة حادثة يا اخوان

الف شكر ليكم والله انا كلمت واحد صحبى شغال فى الاستيردا سئلتوه عالبابين قالى اجبهملك من بورسعيد والواحد يعمل 250 الى 300 تقريبا من غير الحشو بتاعه وانا كده كده الحشو بتاع البابين مش بايظ شغال لو حد يعرف حد اسئل عنده يكون سعره كويس برضوا يا ريت يقولى ولا انزل عزبة شلبى اسئل ايه رائيكم والف شكر بجد ربنا يجعله فى ميزان حسناتكم والله انا بقالى يومين مبنمش كويس من ساعة الحادثة دى ونفسيتى تعبانة جدا + بدفع تمن غلطة واحد خبط فيا
على اى حال الحمد لله ومنتظر الاراء

رد: مساعدة فى عربية عاملة حادثة يا اخوان

اقتباس:

المشاركة الأصلية كتبت بواسطة snoop (المشاركة 492178)

السلام عليكم ورحمة الله وبركاتة

بدون مقدمات امبارح عملت حادثة ...عربية الفرامل بتاعتها هربانة دخلت فيا وبوظت البابين بتوع السواق والورانى فعايز اعملهم سمكرة ودوكو وسئلت عالاسعار حيتكلف 1000 جنية الاتنين تقريبا
وسئلت عالبابين كاملين اشتريهم استيراد لاقيت الواحد عامل 300 تقريبا يعنى البابين بدون الفرش الداخلى =600
العربية سوزوكى سويفت حد يفدنى اشترى البابين وارشهم بنفس لون العربية ولا استمر فى سوال السمكرية وبتوع الدوكو لاحسن سعر يا ريت لو حد يعرف بوهيجى او سمكرى عنده ضمير واسعاره كويسة يقولى وشكرا

الف سلامه عليك الاول من الحادث و كويس انها فى الصاج
بالنسبه للتصليح او التغيير لو لقيت ابواب استيراد نفس اللون طبعا يكون احسن لانك لو اشتريت لون تانى لازم ترش دواخل الابواب نفس لون العربيه و ده للاسف هايقلل فى ثمن السياره عند البيع و هو ده عرف السوق المصرى
لو مش لاقى نفس اللون صلحهم احسن بس انا شايف ان 1000 جنيه كتير عليهم شويه و طبعا انا مش شايف العربيه و مش عارف حالتها ايه اذا مستحيل اعرف هل التصليح هايرجع العربيه كويسه ولا لازم تغير الابواب و نصيحه منى اذهب ل كذا سمكرى و شوف شغلهم و انت اكيد هاتستريح لواحد فى الاخر تعمل العربيه عنده و على فكره لو اشتريت ابواب استيراد نفس اللون و محتاجين دوكو من الخارج مش مشكله اهم حاجه دواخل نفس اللون و حالتها كويسه .

رد: مساعدة فى عربية عاملة حادثة يا اخوان

اقتباس:

المشاركة الأصلية كتبت بواسطة spare parts (المشاركة 492370)

الف شكر لرد حضرتك الله يسلمك المشكلة ايلى مزعلنى انها مش غلطتى دى غلطة ايلى خبطنى علشان عربيتة فراملها هربانة عموما انا لسة بسئل وربنا يسهل انا برضوا خايف اغير الابواب الاقيهم باينين فى العربية انهم مش بتوعها وتبقا العربية خردة وحسئل عند كذا سمكرى واشوف الاخبار يا ريت لو حد يعرف يا جماعة سمكرى كويس وبتاع دوكو يقولى وشكرا ليكم

رد: مساعدة فى عربية عاملة حادثة يا اخوان

اعتقد الابواب الاستيراد افضل .. ورش دواخلهم مفهوش مشكلة لان العربية مش حديثة يعنى ..

وبعدين مهما كان باب سليم احسن من باب معمول فيه سمكره ...

بس معلش علشان نبقى بنتكلم كلام دقيق .. يا ريت تصورلنا الخبطة علشان نقدر نحدد ايه الاحسن بشكل ادق ...