مصر موتورز مجتمع السيارات - التهابات الفقرات

مصر موتورز مجتمع السيارات (https://www.masrmotors.com/vb/index.php)

- نادى الاطباء (https://www.masrmotors.com/vb/forumdisplay.php?f=94)

- - التهابات الفقرات (https://www.masrmotors.com/vb/showthread.php?t=64108)

رد: التهابات الفقرات

شكرا أستاذ ايمن
شكرا أستاذة mar mar وربنا يشفيلك الوالد

وشكرا على مشاركتكم ونصائحكم ويبعد عنكم كل شئ سئ

رد: التهابات الفقرات

اقتباس:

المشاركة الأصلية كتبت بواسطة aymangalal (المشاركة 497263)

شفاك الله وعافاك من الواضح كده ان فى التهابات فى فقرات الرقبه(على فكرة انا مش دكتور ولا حاجه ) انا بس حبيت اقولك شوية معلومات بناءا على التجربة الشخصية مع والدى فهو يعانى من انزلاق غضروفى قطنى
المهم الانزلاق او الالتهاب والفقرات والجو ده مالوش علاج جذرى الا بالعمليات لانه فى العملية بيقضى على مصدر الالم لكن كل انواع الادوية ما هى الا مسكنات وفيتامينات
يعنى لافضل ان تتابع وتقرأ كتير عن الام الرقبه هتلاقى اللى اهم من العلاج (الوقاية) وده حقيقى لكن للأسف الواحد ما بيبدأش بالوقاية الا بعد حدوث الاصابة
عليك وعلى المنتديات والمقالات المتخصصة بالام العمود العمود الفقرى والرقبة هتلاقى حاجات كتير ان شاء الله وهتلاقى استشارات كتيييييييييييير تشبه حالتك وهتلاقى تمارين عشان تخفف ضغط افرات عنبعضها عشان تقلل الاحساس بالالم واهم من ده كله بقى يا جميل اتباع السلوك الصحيح فى المواضيع دى ... يعنى الى بلاش منه فى الحركات عشان مايضركش يبقى بلاش طبعا .... واللى تاخد بالك منه وتواظب عليه يبقى تواظب
ان شاء الله خير بس انت اعرف التمارين ومارسها وهاتبقى زى الفل
والاستشارة بعد اسبوع هههههههههههههههههههه:wavi ng:

فعلا يا استاذ ايمن انا بقيت أدور على الموضوعات الخاصة بالعمود الفقرى
وفعلا بلاقى مواضيع كتيير ومتشابه معنى كدة انها علاج ومفيدة وجربت بعض حاجات منها واحيانا بحس براحة
بس المشكلة فى الإلتزام بيها

رد: التهابات الفقرات

طيب انا مش هقلك ادويه بس جربت تعمل حجامه ... فيه مرضي اخدوا مسكنات ومضادات الالتهاب ومفيش فايده بس لما عملوا الحجامه بيقولوا انهم ارتاحوا...والله اعلم..

رد: التهابات الفقرات

شوف ياسمير باشا انا حقولك خبرتى فى الموضوع ده وعلى الله تستفيد منها.....

اولاً الانزلاق فى الفقرات بتحصل لما الانسان يبذل مجهود زياده او يشيل حاجه تقيله بطريقه خطأ وممكن لو نمت وانت جالس فى مواصله عامه مثلاً زى اللى بيروحوا شغلهم فى اتوبيس شركه باستمرار يحصل ليهم انزلاق فى فقرات العنق نتيجه النوم فى وضع خاطىء.

اما الخشونه فدى بتيجى كوضع طبيعى نتيجة التقدم فى السن او برضه بسبب مجهود زائد زى لعب كوره قدم اوالجرى اوممكن السقوط على الركبه.

نيجى للعلاج وده طبعاً بعد استشارة طبيب العظام وعمل اشعه على الجزء اللى فيه المشكله سواءكان الرقبه أو الظهر وبناء عليه ممكن يكون العلاج اما عباره عن جلسات علاج طبيعى أو لبس رقبه طبيه أو حزام للوسط ...حسب المكان المصاب...........

...وممكن يكون باستعمال مستحضرات طبيه زى الدورفين وده علاج بيزود تكوين السائل الموجود بين الفقرات لتقليل الخشونه مع مسكن موضعى زى الفولتارين او حبوب مسكنه لالام العظام زى موبيك اواى علاج اخر يكتبه الطبيب.....

طبعاً جميع العلاجات دى بتكون بوصفه طبيه ماينفعش ناخدها من نفسنا.

ويوجد علاج تقليدى موروث بيعالج الانزلاق وانا جاب معايا نتيجه مرضيه وهو الردم فى الرمال الساخنه فى واحة سيوه(مشروح بالتفصيل فى موضوع مين زار واحة سيوه) فى قسم سفارى وطرق ........

وممكن فى سفاجا أو الواحات وده زيه زى العلاج الطبيعى العادى اللى بيستخدم اشعه اونبضات كهربيه لتسخين مكان الانزلاق حتى تعود الفقرات لوضعها الطبيعى.

وشفاك الله وعافاك..وان شاء الله اى حاجه من دول تجيب معاك نتيجه طيبه بس انا انصحك ابدأ الاول بزيارة طبيب عظام كويس يكون متخصص فى الفقرات.

رد: التهابات الفقرات

الف سلامه على الجميع
والمفروض العرض على استشارى جراحه العمود الفقرى لكى يقرر ماتستلزمه الحاله ....لأن فى حالات تستلزم العلاج الدوائى وحالات تستلزم التدخل الجراحى .