مصر موتورز مجتمع السيارات - فزورة احتار فيها الناس !!!الشاهين بتسخن في السريع بس و في الزحمة لا و عجبي؟؟؟؟

مصر موتورز مجتمع السيارات (https://www.masrmotors.com/vb/index.php)

- شاهين ، ريجاتا ، دوجان (https://www.masrmotors.com/vb/forumdisplay.php?f=195)

رد: فزورة احتار فيها الناس !!!الشاهين بتسخن في السريع بس و في الزحمة لا و عجبي؟؟؟؟

اقتباس:

المشاركة الأصلية كتبت بواسطة حسام البورسعيدى (المشاركة 475058)

مش عارف اقولك ايه بصراحه .. مشكلة غريبة فعلا ...

طيب انت بتحط زيت موبيل ايه ؟؟ لو موبيل الابيض سيبك منه خالص وحط اى زيت تقيل شويه (زى كالتكس او شل) وغير فلتر الزيت وجرب ...

عاوزك برضو تشيك على طرمبه الزيت ..

المشكلة ان العكس هو اللى مفروض يحصل يعنى ع الطريق المفروض الهوا بيبرد العربية .. والمروحه المفروض متشتغلش ع الطريق اصلا ...

فأنا اتوقع ان السخونية بتحصل لما الموتور عدد لفاته تعلى ...

فانا انصحك تعمل الاتى :

- روح لميكانيكى تانى خالص غير بتاعك ده وروح لكذ واحد خد رأيهم ..

- اللى تستريح له اكتر خليه يشيك له على طرمبه الزيت كويس ..

- لو تمام غير زيت وحط زيت تقيل زى ما قلتلك ...

بس قبل كل اللى قلتهولك ده .. انت متأكد ان ترموستات الكوعة سليم ؟؟؟

حسام باشا أنا بأحط زيت (mobil one) و فلتر (fram) و لسه مغير من 1000 كيلو و عامل صيانة كاملة
موضوع طرمبة الزيت دي حاجة جديدة أعتقد حاشوفها . شكرا لاهتمامك يا باشا

رد: فزورة احتار فيها الناس !!!الشاهين بتسخن في السريع بس و في الزحمة لا و عجبي؟؟؟؟

اقتباس:

المشاركة الأصلية كتبت بواسطة tawfik346 (المشاركة 475206)

انت تؤمر يا غالى .. وانا حاسس بيك والله لأنى ياما احترت كده برضو وما زلت 444546

باذن الله متابع معاك لغاية ما تكتشف العطل ...

قولى بس نوع الزيت اللى بتستعمله ايه (انهى منتج من موبيل 1 ؟؟)

واخبار ترموستات الكوعة ايه ؟؟ لو مجتش ناحيته خالص يبقى احتمال كبير العيب يكون منه .. وهقولك ليه برضو علشان تبقى متخيل ..

ترموستات الكوعة وظيفته بتقتصر على تسخين العربية فقط .. وفكرته انه اول م تدور العربية الصبح (وهى بارده يعنى) الترموستات ده بيقفل الميه عن دوره التبريد علشان العربية تسخن بسرعه وبيبدأ يفتح تدريجيا مع سخونه العربية .. لغاية لما توصل لدرجة التشغيل الطبيعية يفتح كليا ..

لو فى اى خلل فى الترموستات ده وارد جدا يعمل معاك المشكلة دى ....

رد: فزورة احتار فيها الناس !!!الشاهين بتسخن في السريع بس و في الزحمة لا و عجبي؟؟؟؟

معلش يا شباب هادخل فى الموضوع عشان الحكايه الرخمه دى كانت بتحصلى مع المحروصه
بس مش عارف هناك فرق شاسع بين ال 128 والشاهين بيس هى هى
بردو بتسخن لما اطلع على طريق وامشى مسافه طويله وفى قلب الزحمه والطريق العاديه الحراره طبيعيه المهم
اول حاجه طرمبه الزيت اهم شى فى الموضوع
زيت تقيل زى مالاخوه قالو انا بحط الامراتى عشان دا بيظبت العربيه ظبته من الاخر
وفلتر لل 128 المانى معرفش ايه انطف حاجه للشاهين الصراحا بس المهم الطرمبه
وادعيلى:funny25:

رد: فزورة احتار فيها الناس !!!الشاهين بتسخن في السريع بس و في الزحمة لا و عجبي؟؟؟؟

هل و العربية واقفة و عليت ال rpm حتسخن برضه
وارد فعلا ان المروحة ضعفت
وارد ان مجرد الرادياتير محتاج نضافة خارجية
وارد ان في انسداد جزئي في سربنتينة السخن

رد: فزورة احتار فيها الناس !!!الشاهين بتسخن في السريع بس و في الزحمة لا و عجبي؟؟؟؟

كان الله في عونك
انا كنت داخل اقولك على موضوع الزيت ودورة الزيت
بس الرجالة قاموا بالواجب
ربنا يعينك