مصر موتورز مجتمع السيارات - تجربة مصري في الإمارات !!

اقتباس:

المشاركة الأصلية كتبت بواسطة The MERCURY (المشاركة 469123)

أخى العزيز:
لم اسمع عن مشكلة سابقة من توكيل كلدارى (وكيل مازدا فى الامارات) ، و لكن يمكنهم ان يطلعوك على كتالوج القطع الخاص بكل موديل حسب رقم الشاسيه.
الغريب ان سمعة هذا التوكيل جيدة جدا ، ربما عيب الفنى ، من الذى يتعامل معك فى التوكيل؟
صديقى يمكنك اجراء شكوى فى الفرع نفسه ، و ارسال ايميل للشركة ، و ارسال ايميل للشركة الام فى اليابان و صدقنى الدنيا هتقوم و مش هتقعد.

انا فى احدى المرات كان عندى عيب فى الاسطوانة اللى ماسكة السير و كانت غير موجودة بالتوكيل (علما بان سيارتى قديمة نسبيا 2004) و قاموا بطلب القطعة و وصلت بعد 3 اسابيع و قاموا بالاتصال بى لتركيب القطعة.

أخى العزيز لا تتوانى فى المطالبة بحقك ، و يمكنك زيارة برنامج حكاية المستهلك فهو فى الامارات فى منتهى القوة.

معقولة إنك لم تسمع عن أي مشاكل أو شكاوى من كلداري !! إنت تعرف إن BMW سحبت توكيلها منهم لسوء مستوى الخدمة ؟و تعرف إن بعد كل تشييكة كان خدمة العملاء بيتصلو بي إستبيان للرأي و كنت مبخليش في نفسي و بدون فايدة !! حاجة بسيطة جدا" :شوفت قبل كده توكيل محترم و عربية موديل 2010 يعني بقالها سنة و في تشييكة ال25000 كم و اللي مفترض فيها يبدلو فلتر المكيف بس للأسف مش موجود! لا و مش عارفين حيتوفر إمتى ؟العربية عاملة دلوقتي 42000 كم و بقالها أهو سنة و نص و مفيش فلتر مكيف ! تعرف إن بعد الشهر السادس و العجل بتاعها البروزات اللي فيه الملاصقة للطريق و لسوء النوعية بقت عاملة زي رقعة الشطرنج يعني مربع بارز و التاني غائر و ده للأربع عجلات و طبعا" بيسبب صوت ولا كأنك سايق جرار زراعي .. و طبعا" العجلات مش في الضمان . و كان في إشاعة إنهم بيبدلوا الكاوتشات اللي جاية من المصنع من اليابان بنوعية تانية أردأ و على فكرة الموضوع ده سمعت إنه في الكورولا و النيسان تيدا برضه (يمكن لإن العميل المستهدف للموديلات دي زي حالاتنا من الوافدين) فلو تعرف إيميل الشركة الأم يا ريت تكتبهولي لإني بصراحة فاض بي منهم ..