مصر موتورز مجتمع السيارات - الي مالكي w123 موديل الثمانينات ممكن معلومات عن هذه التحفه

مصر موتورز مجتمع السيارات (https://www.masrmotors.com/vb/index.php)

- مرسيدس (https://www.masrmotors.com/vb/forumdisplay.php?f=23)

رد: الي مالكي w123 موديل الثمانينات ممكن معلومات عن هذه التحفه

جزاكم الله خيرا علي هذه النصيحه الغاليه بارك الله فيكم

رد: الي مالكي w123 موديل الثمانينات ممكن معلومات عن هذه التحفه

رد رائع يا مرسيدس بارك الله فيك بس التمساحه بتبدأ من 76 مش 77 انا معايا واحدة بس للسائل لو هتشترى خليك ف 84 احسن

رد: الي مالكي w123 موديل الثمانينات ممكن معلومات عن هذه التحفه

اقتباس:

المشاركة الأصلية كتبت بواسطة ديزاينر (المشاركة 302001)

رد رائع يا مرسيدس بارك الله فيك بس التمساحه بتبدأ من 76 مش 77 انا معايا واحدة بس للسائل لو هتشترى خليك ف 84 احسن

ROSE4Uالسلام عليكم و رحمة الله و بركاتهROSE4U

يا باشا , ألف شكر على زوقك .

فعلا المرسيدس المعدلة ( التمساحة ) بدأ انتاجها من شهر 7-1976 لأن الخنزيرة أم فانوس شمامة , ظل انتاجها لحد 6-1976 و أنا فعلا كان فيه واحد صديقى والده كان معاه الخنزيرة دى و كانت ديزل و كانت مو 1976 و باعها ب 19500 جنيه من حوالى 10 شهور مع أنه كان شاريها سنة 1994 بحوالى 45000 جنيه .

أنا حلم حياتى أنى ألاقى واحدة مرسيدس معدلة ( تمساحة ) 230 مو 1984-1985 نظيفة و استخدام بيتى و مش متهانة , عشان أشتريها و أسقطلها موتور زلمكة 1993 بالفتيس و التكييف , و الله هتبقى حكاااااااااااااية .

ربنا ييسر الأمور ان شاء الله .

MERCEDES E230

رد: الي مالكي w123 موديل الثمانينات ممكن معلومات عن هذه التحفه

اقتباس:

المشاركة الأصلية كتبت بواسطة mercedes (المشاركة 296388)

ROSE4Uالسلام عليكم و رحمة الله و بركاتهROSE4U

بالنسبة للمرسيدس الW123 , فموديلها يبدأ من 1977 و حتى 1985 و الأفضل أنك لما تجيب واحدة منهم , تكون 1984-1985 , و دى سعرها لو كانت نظيفة و استخدام بيتى , أنها فى حدود ال40000 جنيه , مش أكتر من كده , مهما صاحبها قعد يشعر فيها لأن العربية المعدلة ال1984 , كانت فى وقت من الأوقات بتتباع ب120000 جنيه و انا خالى شارى واحدة مو1981 من حوالى 6سنين ب 71000 جنيه , لكن بعد قانون الجمارك الجديد اللى هيلغى الجمارك عالعربيات الأوروبى خالص بحلول 2019 , العربيات دى, هى و الخنزيرة أم فانوس شمامة و البيجوال505 و ال504 , بتفقد قيمتها بسرعة و بتقدم بسرعة أكتر من الأول , يعنى على ماييجى عام 2019 , هتبقى العربيات دى , رغم انها عربيات محترمة و متينة و ماتتعوضش , الا أنها هتبقى فعلا برخص التراب لأن الجديد الأوروبى كله هيرخص و هيبقى سعره هنا زى سعرهناك + ال35% بتوع ضريبة المبيعات و رسم الوارد و بالتالى كوووووووووووووول المستعمل من الأوروبى هيرخص و المستعمل القديم زى العربيات اللى قولتلك عليها دى , هتبقى رخيصة جدا و هتبقى البيجو ال504 و ال505 , عاملة زى البيجو ال404 دلوقتى و هتبقى المرسيدس المعدلة الW123 دى عاملة زى الخنزيرة أم فانوس شمامة دى, فلو لقيت حاجة محترمة و استخدام بيتى و أول يد و حالتها نظيفة , هاتها , بس ماتدفعش فيها أكتر من اللى قولتلك عليه , حتى لو البياع اتنطط .

و بالتوفيق ان شاء الله .

MERCEDES E230

الي mercedes لماذا ال230وليس ال200حيث انها اعلي عن الارض و الفارق عن ال280 وكم يبلغالضرايب ورسوم المرور ولماذا ال84 بالذات

رد: الي مالكي w123 موديل الثمانينات ممكن معلومات عن هذه التحفه

اقتباس:

المشاركة الأصلية كتبت بواسطة ياسر يوسف (المشاركة 302275)

ROSE4Uالسلام عليكم و رحمة الله و بركاتهROSE4U

أنا بتكلم بالنسبة ليا , أنا كنت بدور على واحدة مرسيدس معدل 200 , بس طبعا اللى معاه مرسيدس معدل 200 مو 1984- 1985 و نظيفة و مريحاه, عمره ماهيفكر يبيعها اطلاقا خالص و بالتالى ده اللى مخلى ليها سعر لحد دلوقتى و دى ضريبة تجديدها حوالى 200 جنيه و على ماتطلع من باب المرور فعلا , تلاقى أنك دفعت حوالى 400 جنيه, لزوم التأمين و الطفاية و الحاجات التانية اللى بتطلع من تحت الأرض دى.

أما بالنسبة لل 230 , فهى كانت زمان قبل تعريفة الضرايب الجديدة اللى طلعت فى 2008 دى , كانت ضريبتها 300 جنيه فى السنة, أيام ما كانت المرسيدس المعدل ال200 ضريبتها 175 جنيه و كمان ال230 كان استهلاكها فى البنزين أعلى شوية من ال200 و ده كان بيخلى الناس تحجم عنها و ماكانشى بيركبها الا اللى الفلوس مش فارقة معاه أوى و اللى عاوز يركب حاجة نظيفة و خلاص و ده غالبا مابيهينش العربية و اللى العربية بتحتاجه بيجيبهولها و كده و لأن مالهاش سوق زى ال200 و خاصة أن ال230 دلوقتى , أصبحت ضريبتها حوالى 1100 جنيه و على ماتخرج من المرور تكون السنة وقفت عليك بحوالى 1300 جنيه , فده خلى سعرها واقع و أقل من المرسيدس المعدل ال200, بالنسبة لأن المرسيدس المعدل ال200 أعلى عن الأرض من ال230 , فأنا مش عارف بصراحة , بس أنا متهيألى أن الاتنين زى بعض , فرق الموتور بس .

المهم, أنا بأه فكرت فى أنى أدور على واحدة مرسيدس معدل 230 مو 1984 - 1985 لأنها هتكون متصانة و مش متهانة و أرخص من ال200 من نفس الموديل, و لما أشتريها, هنزل بورسعيد و أسقط فيها موتور زلمكة مو 1993 بس قبل 6-1993 , بالفتيس بتاعها و التكييف , فيه تاجر قطع غيار مرسيدس اسمه طارق البحراوى قاللى أنه مفيش أى مشكلة من الموضوع ده و أن العربية تقبل مواتير الزلمكة موديلات لحاااااااااد شهر 6-1993 و أن مفيش مشكلة أن العربية تكون 2300 سى سى و أنى أنزل بيها و أسقطلها موتور 2000 سى سى .

أنا بس اليومين دول مشغول فى بعض الأمور الخاصة و لما ربنا ييسر ان شاء الله , هعمل الموضوع ده, بس كله متوقف على أنى ألاقى العربية النظيفة .

MERCEDES E230