مصر موتورز مجتمع السيارات - بروتون ساجا جديدة انتفح الايرباج والعربيه توتال لوس

الساجا والبروتون عموماً عربيات محترمة ولا يعيبهم الا التوكيل من حيث اسعار قطع الغيار ومدى انتشارها لكن فى النهاية هى عربيه محترمة وافضل فى رائى من البدائل الصينى الاخرى بل والكورى كمان بحكم ما بها من كماليات وقيمة سعريه

لكن اللى حضرتك تحكية ده سيناريو (حظ عاسر) فعلاَ زى ماقال استاذنا MEGAREKAB
وبالتالى اى حد فى اى عربيه ان شاء الله تكون مرسيدس معرض انه يحصله ده للاسف
واعتقد ان صاحبك مكانش رابط حزام الامان ساعة الحادثة
وده فى حد ذاتة كان ممكن يتسبب فى مقتلة لان اندفاع الايرباج فى اتجاه الراس مع اتجاه الجسم كله ناحية التابلوة فى حالة الاصطدام ممكن يتسبب فى كسر الرقبة
فلازم علشان تستخدم الايرباج تكون رابط حزام الامان لانه بيثبت الجسم فى مكانة وبيمنع تصادم الرأس بالايرباج بالشكل القاتل ده

والحاجة التانية ان صاحبك اكيد اكيد كانت سرعتة عالية جداً وهو بياخد المطب لان حضرتك بتقول ان بعد المطب خطبت فى حاجات على الطريق وبرضو مقللتش السرعة فالعربيه اتقلبت وكذا مرة كمان

عموماً قدر الله وماشاء فعل والحمد لله انه طلع سليم وربنا يعوضه عن خسارتة خير ويهبه افضل منها