رد: هل توجد علاقة بين شخصيتك وسيارتك؟
 

متهيألي مفيش أي علاقة بين العربية و شخصية صاحبها
لأن باختصار العربية دي أولا وأخيرا وسيلة نقل ماهيش حاجة بنلبسها ونخرج بيها
يعني مصر كلها ركبت 128 معنى كده ان كل المصرين ليهم نفس الشخصية؟؟!!
في عوامل كتير بتحدد اختيارك للعربية
أولها الفلوس (انت معاك كام...وتقدر تصرف على العربية ولا لأ)
وأهمها رأي المحيطين بيك سواء أهلك واصحابك أو أصحاب الخبرة زي الميكانيكي بتاعك مثلا أو أي حد بيشتغل في العربيات أو عنده اهتمام بيها
أو ممكن برده تاخد النصيحة من أصحاب التجربة يعني بتسأل اللي بيمتلك العربية اللي انت عايزها فبيرد عليك بالسلب أو بالايجاب

وبناء على كل اللي فات الواحد بياخد قراره بأنه يشتري أي عربية
اذن مفيش أي مجال لشخصيتك انها تحدد نوع عربيتك
زي ماهو برده مفيش أي مجال ان يوم ميلادك يحدد شخصيتك (زي ما بيقولوا بتوع الأبراج)
كل ده كلام

رد: هل توجد علاقة بين شخصيتك وسيارتك؟
 

؟؟؟؟؟
فيه واحد عملى بيجيب عربية عملية مهما كان شكلها
وواحد يهمه المظهر فيجيب عربية شيك حتى لو مش عملية

يبقى إزاى الشخصية ملهاش علاقة بالاختيار؟

الشخصية ليها علاقة باختيار أى شئ!!!

رد: هل توجد علاقة بين شخصيتك وسيارتك؟
 

حضرتك قلت في بداية الموضوع ان المبلغ موحد
يعني مثلا أنا معايا 35 ألف ممكن أجيب شاهين أو لانوس مثلا

القرار مش حيعتمد على الشخصية قد ما هيعتمد على قدرتي على الصرف على العربية
يعني أكيد أي حد هيشتري الشاهين هيبقى نفسه يركب لانوس
لكن مايقدرش يصرف عليها سواء قطع الغيار أو البنزين 90

وكذلك اللي بيشتري فرنا وما بيرضاش يجيب الاسبرانزا
مع انه حيموت عليها علشان الأوبشنز اللي فيها لكن خايف على فلوسه من قطع الغيار وانخفاض سعر اعادة بيع العربية

من الآخر الموضوع كله مرتبط بالفلوس و برأي الناس اللي حواليك اللي هو بيحركك ويجرأك انك تاخد قرار معين

رد: هل توجد علاقة بين شخصيتك وسيارتك؟
 

وطبعا فيه واحد معاه 7 آلاف وغصب عته لازم يجيب سيات
أو كيه

لكن لو معاك 90 ألف هتفكر إزاى؟
المبلغ الموحد طبعا مقصود بيه مبلغ فيه اختيارات مش مبلغ يجبرك على عربية أو اتنين غصب عنك

وحنى اختيارك فى ال 35 ألف برضه يعتمد على تفكيرك اللى هو جزء من شخصيتك

رد: هل توجد علاقة بين شخصيتك وسيارتك؟
 

أنا شايف أنه إيه