|
رد: ضروري - مشكلة في BMW316
كده الكلاتش ( او بمسمى اخر الديسك و الاسطوانة) و البلية محتاجين كشف و غالبا تغيير
و لو طلعوا سلام يبقى احتمال ريحة الحرق ان الماتور بيحرق زيت فهل الشاكمان بيطلع دخان ابيض او ازرق؟ |
رد: ضروري - مشكلة في BMW316
نفس سوال الاستاذ احمد
|
رد: ضروري - مشكلة في BMW316
بالنسبة للدخنة مافيش دخنة لا بيضا ولا زرقاء , وبعدين الزيت الحمد لله مابينقص , طيب بالنسبة للكلاتش والبليه لازم يتغيروا بسرعة ولا ممكن أستنى عليهم شوية , وإيه عواقب عدم التغير دلوقتي .وشكرا
|
رد: ضروري - مشكلة في BMW316
بص اخى الفاضل عمر انتا ممكن تمشى شويه بس تروح لمكانيكى يوطى الدبرياج شويه عشان لو انتا ماشى وساند قدمك عليه على طول مش هيستحمل معاك ومتنساش ان الدربياش على زيت مش وير بمعنى استجابته سريعه بتكون حسب الدوسه الى انتا ديسها عليه بس تحاول تسايسه عشان فى النقل متسمعش صوت التروس وهيه بتاكل فى بعض خليك تسايسه ولو سمعت الصوت ده تدوس مرتين على الدبرياج وبعدين تدوس وتدى الغيار بمعنى حضر الزيت الفيتيس .
ان شاء الله بالتوفيق وموضوع الدخنه دى هوه بوابه الهواء الى بعد الفلتر برده وبالمره طلما الميكانيكى هينظفه بالاسبراى هيقولك عليه خليه ينظف البوابه ببتاعت الهواء الى فى اخر خرطوم الهواء وشوف وقلى الفرق ايه ولو عايز ميكانيكى كويس قلى انتا منين وانا هقولك عليه . انا |
رد: ضروري - مشكلة في BMW316
شكرا جدا لحضرتك , المشكلة إني في الرياض حاليا والمشكلة هنا إنه مش أي حد بيفهم في بي إم وبالذات العربية اللي موديلها قديم شوية ,أسهل حاجة عندهم غير وإشتري جديد وخلاص , فأنا بحاول على قد ماأقدر أفهم من حضراتكم علشان ماحدش يضحك عليه ويلبسني العمة مع إحترامي طبعا للعمم :fun_36_3_16[1]:, وزي ماقلت لحضرتك في الأول هوه غيرالبوابة دي بواحدة مستعملة من عنده , بالنسبة لحضرتك لموضوع إني أدوس مرتين على دواسة الدبرياج مرتين وبعد كده أدوس مرة وأدي غيار لما تكون العربية شغالة ولا مبطلة ولا مش حتفرق .وسامحني إذا كنت تعبت حضرتك معايا , والأستاذ أحمد علي .
|
| الساعة الآن 07:10 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017