المشاركة الأصلية كتبت بواسطة moko_2004 (المشاركة 450767)

مش فاكر اوي بس هتحتاج تجيب بخاخ WD-40
هتفصل البطارية وفيش الحساسات الأيدل و حساس ال TPS اللي تحتة
هتفك خرطوم العمة البلاستيك من ناحيتين و تطلعة برة خالص
هتلاقي البوابة ظهرت قدامك
اديها بخ لما تحس انها بقت نظيفة وبالفوطة امسح وما تخافش لو حاجة اتسربت لجوة
ركب الفيش فقط و متركبش الخرطوم وصل البطارية واعمل ايدل ليرن ودور العربية
طبعا صوتها هيكون عالي ولا يهمك خلي حد يزود وشوف لو لسة فية حتت وسخة اعملها و بعدين بطل وركب خرطوم العمة ودمتم
الطريقة دي حسب الذاكرة و تحتمل تكون حاجة ناقصة
الطريقة دي سهلة بدون فك المانفولد

المشاركة الأصلية كتبت بواسطة moko_2004 (المشاركة 475018)

ايدل ليرن عبارة عن اجراء وقائي لعمل ضبط للسلانسية و مسح اكواد الخطأ في الكومبيوتر و يتم عملة كالتالي
1- افصل الكابل الأسود للبطارية لمدة لا تقل عن 10 ثواني
2- ركب الكابل تاني
3- افتح الكونتاك وانتظر 5 ثواني ثم اغلقة وكرر العملية 3 مرات
4- دور السيارة و انتظر مدة لا تقل عن 3 دقائق
5- شغل التكييف علي اعلي درجة وشغل الناور العالي وكل الأحمال الكهربائية للسيارة لمدة 2 دقيقة علي الأقل
6- افصل الأحمال الكهربائية و انتظر دقيقة
7- بطل العربية و بكدة تكون عملت ايدل ليرن