رد: كهربة العربية ضعيفة !!
 

طيب هي عربية حضرتك ايه ؟
هل متأكدمن شحن الدينامو يتم بطريقة صحيحة؟
نفس السؤال عن البطارية ؟
و احتمال يبقى للانوار اللى فصلت فيوز بس ها عرف اما تقوللى نوع العربية ؟

رد: كهربة العربية ضعيفة !!
 

شكرا للمتابعة :)
العربية مازدا 323 موديل 1988
صورتها ف التوقيع :)
حاجة تانية احب اقول عليها
النهاردة كنت شادد الهاند بريك وفى لمبة فى التابلوة BREAK بتنور لما تشد الهاند
اديت اشارة شمال لاقيت لمبة البريك بترعش مش لمبة الاشارة الشمال.

رد: كهربة العربية ضعيفة !!
 

طيب هو ممكن يبقى كتاوت الشحن ..او الدينامو وممكن يبقى اى حاجة فى دايرة الشحن
الحل عن الكهربائى ان شاء الله

رد: كهربة العربية ضعيفة !!
 

اتمنى تكون بسيطة عشان زي ما قولتلكو العربية لسة بحالتها
وبخاف من لعب الصنيعية وربنا يستر وهتابع معاكو اللي حصل

رد: كهربة العربية ضعيفة !!
 

اخى الحبيب المشكلة من قسمين : الأول هو رعشة العربية لما تدوس فرامل ودى لها سبب واحد حسب نوع الرعشة ، لو الدوسة بتخلى العربية موتورها يعلى شوية دة طبيعى لانك دايس فرامل والسيرفو بيضغط هوا للكربراتير ، ولو بترعش بمعنى تلخبط وتوطى وتعلى وممكن لمبة الدينامو تذبذب يبقى سبب وحيد وهو ان السيرفو بايظ بينفس هوا لما تضغط فرامل .
اما القسم التانى من المشكلة فاعتقد ان سببة سلك الأرضى بتاع التابلوة او فيوز ات التابلوة خفيفة فى مكانها من علبة الفيوزات تفتح غطا العلبة وتتأكد من ان الفيوزات بايتة كويس ومفيش اكسدة فيها وتنظفها كويس بصنفرة ناعمة وتضيق المسافة حولين الفيوز كلة يبقة تمام