رد: مقارنة بين نوبيرا 2 وماتريكس
ممكن تدفع على النوبيرا حوالى 16 الف علشان تجيب ماتركس كورى
|
رد: مقارنة بين نوبيرا 2 وماتريكس
يا أستاذ سيد أحزم أمرك. لو معاك فلوس وتقدر تشترى أى عربية يبقى روح للحالة الأحسن وسنة الصنع الأعلى والمواصفات الأوربى... البلد كل يوم بطلع قوانين ودلوقتى بنعرف نستورد بكرة يقفلوا الإستراد خالص لما نخلص الفلوس اللى فى البنك المركزى وكل اللى عاوز حاجة من برة يجيب فلوس دولارات أو يشترى الحاجة بالكوى....
|
رد: مقارنة بين نوبيرا 2 وماتريكس
كلام سليم 100/100
طيب معروض على النوبيرا 28 والماتريكس 37 الف اشترى ايه وانه الاحسن وشكرا |
رد: مقارنة بين نوبيرا 2 وماتريكس
نوبيرا 28 الف تبقى نوبيرا 2 مش 1 لان واحد بتكون فى حدود 20 الف. النوبيرا 2 فانوسها زى عيون الضفدعة.. ودى بتكون أوسع وأحسن من نوبيرا 1. وكمان أنا قرأت أن فى 28 عيب تم تلافيهم فى نوبيرا 2 عن نوبيرا 1. ممكن تكون معظم العيوب هايفة ولكنها عيوب. أسواء عيب كان عزل الماتور..
النوبيرا لو بتبعها دلوقتى هتبيع بحوالى 45 ألف لو 2002 وحالة كويسة والماتركس هتبعها بحوالى 53 الف. بص أنا لو منك ومعايا فلوس الأثنين وماليا هبكون معايا اعمل صيانة وأشترى قطع غيار يبقى أشترى الماتركس الأوربى بس يكون فيها ABS لو لسة مش متعلم السواقة والحال على القد ودخل محدود ومش عاوز مصاريف يبقى أجيب نوبيرا 2 أوروبى برضوا وتكون حالتها نضيفة جدا ولو حتى أشترتها 30 الف فى النهاية بعد خمس سنين لو الحال فضل على ما هو علية أبقى بيع اللى معاك وأنت فى الأخر كسبان 10 الاف على الأقل. أنا شخصيا جبت الافيتا لان كانت قعدتها كويسة ومريحة فى الدخول والطلوع بالنسبة لى ولكن لو كان مش هيفرق معايا كنت جبت نوبيرا 32 الف حالة جيدة جدا والفرق كنت صرفت بيه على العربية. الخلاصة كل واحد وظروفة ولو مش يفرق معاك القعدة يبقى النوبيرا تكسب لان لها سوق لان فى ناس مش بتحب العربيات العليا زى الماتركس رغم إنها أغلى.... |
رد: مقارنة بين نوبيرا 2 وماتريكس
اقتباس:
اقتباس:
لا ازاى القعده تفرق معايا كتيييييييييييييير انت ناسى انى معاق بس الشيئ ال انا مستغربله ان الماتريكس 2005 عندنا هنا بتتكلم فى الستين وكمان النوبيرا 2005 بتتكلم فى الستين لو نضيفه طيب كدا انا لوجبت النوبيرا يبقى هتفرق معايا صح فى فرق اعادة البيع يعنى لو النوبيرا جبتها 28 وجيت ابعها اقل حاجه هاتعمل 45 صح؟ لو جيت ابيع الماتريكس برضه هتعمل معايا زى 50 ومتنساش ان 2005 60 مع فرق المويل طبعا اكيد هتنزل 7 او 10 الاف جنيه معنى كدا النوبيرا ممكن تعمل معايا لحد 17 لاكن الماتريكس هتعمل 11 او13 ارجوا التوضيح وشكرا من كل قلبى اخى الحبيب |
الساعة الآن 11:16 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017