رد: من تجاربكم مساعدة في شراء كاميرا ديجيتال احترافية SLR
مستني باي الاراء
|
رد: من تجاربكم مساعدة في شراء كاميرا ديجيتال احترافية SLR
أنت لازم تحدد أنت عاوز الكاميرا فى أيه؟ لو للاستخدام الشخصى فأنا بأنصحك بكاميرا تصوير مباشر أسمها Point and Shot بمعنى أن كل حاجة الكاميرا بتعملها بدون الحاجة لأنك تضبط أى حاجة فيها. أما لو من هواة التصوير وناوى تستخدمها فى شغل فطيعا كاميرات SRL افضل لانها بتجيب دقة اكبر وصورها مزهلة ولكن ليس بها زم ولازم تجيب عدسات يعنى ألاف الجنيهات فلازم تكون فعلا محتجها.
أنا جايب سونى H20 يابانى أخر حلاوة. ورخيصة يعنى فى حدود 1500 جنية لو من برة. الفيديو فيها رائع ولا كاميرا سنما أحسن كمان من الصور. والكاميرا فيها زوم 10 مرات. دلوقتى طلعت حاجات اعلى وأحسن يعنى بنفس المبلغ ممكن تجيب زوم 16. حدد الاول عاوزها ليه... وأخيرا أحب أقولك لو أحسن كاميرا فى العالم لا يمكن تكون النتائج ممتازة لو لم يكن المصور على خبرة للتغلب على الظروف التى تجعل الصورة سيئة. |
رد: من تجاربكم مساعدة في شراء كاميرا ديجيتال احترافية SLR
اقتباس:
واخد خبرات منها وعاوز اتعامل مع موضوع العدسات فيها والفلاتر وعاوز حاجة كويسة متهئلي اللي مع حضرتك دي SLR ? لو اه ياريت تقولي جايبها عدسة ولا بعدستها الاصلية ؟ سعرها دا هنا في مصر ولو هنا الاقيها فين ؟ عاوزك تنصحني بانواوع SLR كويسة وسعرها معقول وتكون فيها امكانيات كويسة طولت علي حضرتك والف شكر |
رد: من تجاربكم مساعدة في شراء كاميرا ديجيتال احترافية SLR
بص يا باشا انا كنت مدير لفرع احدى فروع شركه بغداد ( وكيل باناسونيك فى مصر ) وكان فيه فى المجال قاعده معروفه وهى ان الكانون هى افضل الكاميرات الاحترافيه فى مصر من حيث العدسه وتليها السونى لان العدسه بتاعتها اسمها كارل سايز فرنساوى وبعد كده الباناسونيك وعدستها اسمها لوميكس وهى عدسه يابانى اما الحقيقه عن موضوع الاسعار فانا مش متابع موضوع الاسعار دلوقتى لانى مش متابع الموديلات الجديده اللى نزلت اما بخصوص المميزات فغالبا مميزات الكاميرات واحد باختلاف جوده ونقاء كل ميزه فى كل كاميرا عن التانيه زى نقاء الصوره وعدد البيكسل فى الكاميرا ونقاء خاصيه عدم الاهتزاز وامكانيه التعليق على الصوره اثناء التقاطها انا اسف لقلة معلوماتى ولكن انا كنت بشتغل معاهم من 6 سنين وبعد كده غيرت المجال خالص |
رد: من تجاربكم مساعدة في شراء كاميرا ديجيتال احترافية SLR
اقتباس:
انا ميال فعلا اكتر من خلال البحث للكانون وعجباني جدا الكانون فعلا وبعدها السوني اللي معروفة فعلا بشريحة كارل سايز اللي بدات تنزل دلوقتي في تليفونات نوكيا الحديثة بس مش نفس النوع :) طيب ياريت ترشحولي حاجات كويسة كانون وسعرها كويس وتكون حترافية وكويسة ولو برده ناخد فكرة عن انواع تانية عادي جدا جزاكم الله كل خيرا واكثر من امثالك GIFT4U |
الساعة الآن 09:13 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017