مصر موتورز مجتمع السيارات - مياة ريداتير الاكسيل

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - مياة ريداتير الاكسيل (https://www.masrmotors.com/vb/showthread.php?t=55179)

رد: مياة ريداتير الاكسيل

اقتباس:

المشاركة الأصلية كتبت بواسطة waelsalah (المشاركة 427550)

نورتني يا حس يا غالى
يارب تكون بخير علطول ويوفقك يارب
القربه فيها صدا
انضفها ازاى
اروح لبتاع الريداتير يطمن على دورة الميه كلها ولا هيقولى مش شغلى ولا ايه نظامه
والميه الخضرا اللى عند بتاع الريداتير ايه رايك فيها ؟
واحط الاربعه لتر كلهم مية خضرا بدون تخفيف ولا ايه ؟
وشكرا جزيلا

ربنا يحفظك ويباركلك يا لول ..

بالنسبة للقربة روح لبتاع الريداتيرات وخليه يحلها ويغسلها كويس ويركبها ..

وبعدين خليه يفضى دورة الميه كلها ..

وبعدين هات الميه الخضرا الاسبانى ودور العربية وابدأ حطها فى الريداتير واحده واحده لغاية ما يتملا الريداتير ..

لو الجركن كفى الريداتير والقربة يبقى خير وبركه .. لو خلص زود ميه عادية مفيش اى مشكلة (ويا ريت تكون مفلتره زى ما قلتلك .. يعنى لو عندك فلتر فى البيت املا منه ازازتين وخليهم معاك) ...

بالنسبة للميه السايبة دى معرفش نوعها ايه .. بس اكيد مش هتكون نوع نضيف ...

عموما هى الفكره فى الميه الخضرا ان درجة غليانها بتكون اقل من درجة غليان الميه العادية فمتسخنش الموتور .. وكل ما درجة غليانها تقل كل ما تكون احسن ...

رد: مياة ريداتير الاكسيل

حسام باشا مع تقديرى الشديد لرأيك بس تسمحلى اقول تجربتى
العربية لما تكون متعودة على الميه العادية يفضل عدم استخدام الميه الخضراء لانها حتزيل الصدأ الى موجود فى الدورة و ده حيؤدى لانهيار الجدران و تلف الرادياتير و السربنتينة بتاعة التابلوه و احسن حاجة فعلا عن تجربة هى ميه الفيلتر او المقطرة (الى بدون اضافات حمضية) لو مضمونة و بالنسبة لموضوع درجة الغليان المفروض ان الاحسن هى الاعلى يعنى الميه العادية درجة غلاينها عند 100 بس دورة التبريد مضغوطة فدرجة الغليان بتزيد ممكن ل 130 او 135 و ده احسن لان الميه لو غليت مش حتقدر تمتص الحرارة لكن فعلا الميه الملونة لانها فيها جليكواثيلين الى فايدتة منع التجمد بياثر على درجة الغليان و يوطيها شوية ( وده نظريا اقل كفاءة فى التبريد من الميه العادية بس عمليا الفروقات بسيطة ) و بيبقى فيها مركبات تزيل الصدأ ودى كويسة و العربية زيرو و تفضل طول عمرها تستخدمه لكن مجرد ان العربية استخدمت ميه عادية و ابتدى الصدأ يتكون لو رجعت للميه الملونة حتشيل الصدأ و الرادياتير و سربنتينة السخن حيبقى منخل

رد: مياة ريداتير الاكسيل

الف شكر يجماعه
بس كده انا فى حيره

رد: مياة ريداتير الاكسيل

اكسيل مو 95 1500 كربراتير بنزين 80
العربيه لما بتسخن فى رعشه فى الدركسيون بس وده بشرط ان ال rbm يكون قبل الوحد بشرطه

الحاله التانيه :

لو ال rbm تحت الواحد بشرتطين العربيه هيكون صوتها انعم من العربيات اليابانى وكمان توفير بنزين عالى جدا

بس فى الحاله دى الرجه هتبقى موجوده فى العربيه ككل

سؤالى هنا بقى :

انا عايز امنع الرجه والرعشه فى الدركسيون دى اما يكون ال rbm تحت الواحد بشرتطين

ياترى هنقدر نوصل للعيب ابن ....... ده ونحله

مستنى الردود ياشبابGIFT4U

رد: مياة ريداتير الاكسيل

على فكرة التوفير مش حيفرق جامد
بس مبدأيا لازم كل حاجة تبقى على الشعرة زى
الفلاتر جديدة
الكاربرتير سليم 100 % من حالة بوابة و اكس من بيكات من جوانات من خراطيم فيكم من جوانات مانيفولد الهواء من اوتوماتيك شوك
بوجيهات
سلك بوجيهات
طقم الكهرباء و الاسبراتير بمكوناته
كل الى فات ده لازم يكون مظبوط
لو لسة فى رعشة يبقى حاجة من اتنين
يا قواعد الماتور
يا تصميم الماتور مينفعش يبقى على ال rpm الواطى اوى كده