|
رد: ايهما افضل فيرنا 2011 ام لانوس 2011 من حيث ...!
الاثنينت متساويين تقريبا فى سهولة الصيانة وقطع الغيار فالحكم المحرك والتفوق فيه للفيرنا بكل تاكيد
|
رد: ايهما افضل فيرنا 2011 ام لانوس 2011 من حيث ...!
بص يا غالي الفيرنا والانوس بتتفق في المقارنات اللي انتا عاملها ديه ما عدا حاجه واحده وهي الرفاهيه
الفيرنا كشكل واداء تتفوق بجدارة علي الانوس الانوس 1500 سي سي يولد 86 حصان الفيرنا 1600 سي سي يولد 109 حصان الفيرنا ابعادها وزاوية الرؤية افضل بمراحل من الانوس الانوس تتفوق علي الفيرنا في انها واسعه من جوه وده طبعا علي حساب راحه السائق الفيرنا ضايقة من جوه شوية لكن مش علي حساب راحه السائق انا كنت سايق الانوس ومرجع الكرسي علي اخره لورا ودماغي كانت خابطه في السقف وكنت قاعد متضايق وانا سايق انما الفيرنا لو رجعت الكرسي لاخره مبطولش الدواسات عفشه الفيرنا رياضية واسد علي الطريق لاكن الانوس عفشتها طرية وتحس انك راكب مراجيح مولد النبي وانتا سايق علي الطرق السريعة اي استفسار تاني انا تحت امرك |
رد: ايهما افضل فيرنا 2011 ام لانوس 2011 من حيث ...!
والله يا باشا أنا هقولك حاجة
مع احترامى للى قالوا فيرنا أنا ليا واحد صاحبى شغال مهندس فى غبور و حذرنى من الفيرنا جدا جدا جدا وقالى لو ناوى تجيب هات لانوس أحسن |
رد: ايهما افضل فيرنا 2011 ام لانوس 2011 من حيث ...!
ربنا يوفئك للاحسن بس ليه ما تفكرش فى حاجه تانيه زى اللوجان او الهيونداى
|
رد: ايهما افضل فيرنا 2011 ام لانوس 2011 من حيث ...!
هما الاتنين كويسين بس بصراحة شوف حاجة تانية لان بصراحة انا شايف ان فعلا 70 الف جنية كتير جدا على الفيرنا او الانوس بس نيجى لنقططة قطع الغيار طبعا رخيصة الثمن جدا وتوفير الوقود الاتنين كويسين وربنا معاكROSE4U
|
| الساعة الآن 07:28 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017