مصر موتورز مجتمع السيارات - اشترى كولت ميتسوبيشى ولا ميتركس

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - اشترى كولت ميتسوبيشى ولا ميتركس (https://www.masrmotors.com/vb/showthread.php?t=5442)

رد: اشترى كولت ميتسوبيشى ولا ميتركس

السلام عليكم
شاكر جدا على كل الردود و احب اوضح الغرض من العربه
طبيعة عملى كمهندس اتصالات تجبرنى على الوصول لمواقع الشبكه المتواجدة داخل القاهرة
فانا محتاج عربيه قويه بغض النظر عن الحجم و امكانياتى فى حدود 100 الف

رد: اشترى كولت ميتسوبيشى ولا ميتركس

رأيي الشخصي ان انسب عربيه في الرينج ده تبقى سكودا فابيا او فيات جراند بونتو
السكودا من العربيات الحموله ومواتير فولكس قويه وقطع غيار معمره وده عن تجربه بالفيليشيا
وفيات مواتيرها ناعمه و قويه في نفس الوقت ( عن تجربه بالسيينا) وشكل العربيه جميل و تابلوه تحفه
والاتنين (فابيا - بونتو ) حجمهم كويس وسعرهم في رينح ال 90 الف ..
مواتير 1400 سي سي ...
الفابيا في منها 1600 فتيس ترونيك بس ب 110 الف

انا حاليا معايا ماتريكس 2007
عربيه ناعمه وواسعه وقعدتها مريحه جدا جدا ...
لكنها عربيه MPV ... يعني عائليه بالدرجه الاولى .. لو بتسوق كتير لوحدك ممكن تحس بالملل شويه
وكمان بسعرها الحالي افضل عنها الفابيا او البونتو ( عربيات اوروبي - مواصفات امان )

ولو بتفكر في هيونداي ممكن تشوف ال I30 ... سعرها حاليا في رينج ال 100 الف ... واعتقد حتعجبك اكتر من الماتريكس
وشوف رأي الزملا برضو .. ممكن يكون في اقتراحات تانيه احسن

رد: اشترى كولت ميتسوبيشى ولا ميتركس

سكودا رومستر سمعت ان سعرها نزل المانيوال ل 88 الف

اظن كده تضرب كل الفئة دي

و الاوتو 114 الف

رد: اشترى كولت ميتسوبيشى ولا ميتركس

besara7a ana law makanak we msh far2a m3aya el 7agm wala nawy 2abe3 2orayeb yeb2a hageb Mitsubishi Colt
la2en feha mowasafat ana ma2darsh asta3'na 3anha (ABS - SRS) wel matrix mafhash el kalam da

we kaman el performance beta3 el colt 2a3la da 3'er en shaklaha 2a7san

bas es2al el 2awal 3ala keta3 el 3'yar motawafera walla aih zorofha

رد: اشترى كولت ميتسوبيشى ولا ميتركس

انا بالنسبالي لو بختار بين الاتنين حجيب الماتريكس
عربيه ممتازه فعلا من هيونداي
الكولت مش منتشره و دا حيأثر في سعر اعاده البيع و قطع الغيار
حتضطر تحط رقبتك تحت سكينه التوكيل دايما و انا عن نفسي مش بحب الاسلوب دا
احب لما اركب عربيه اعرف اشتري ليها فوانيس و تيل فرامل الخ الخ من اي مكان مش شرط التوكيل
و كمان لما اجي ابيع الاقي سعر كويس و محدش يخسف بيها الارض
الماتريكس كده .
بالنسبه للبونتو و الفابيا كويسين برضه و سعر اعاده بيعهم اكيد افضل من الكولت
لانها بدات تنتشر علاوه علي ان شكلها مقبول
(شوف كام واحد عاجبه شكل الجراند بونتو و كام واحد معجب بالكولت و انت تعرف قصدي ايه!!)