مصر موتورز مجتمع السيارات - مشكلة كهرباء سيراتو

اقتباس:

المشاركة الأصلية كتبت بواسطة hulck2000 (المشاركة 418433)

بسيطه ان شاء اللهز
جرب تفك كابلات البطاريه لمدة 10 دقائق.
ثم اعادة توصيل البطاريه .
وبعدين افتح الكونتاكت من غير متدور العربيه(يعنى تحرك المفتاح فى الكونتاكت لغاية متنور لمبات بيان التابلوه بدون ادارة الموتور)وتكرر الحركه دى 5 مرات.
ثم تدور الماتور مده لا تقل عن 15 دقيقه حتى تسخن العربيه ثم بطلها.لغايةلما الماتور يبرد.
وبعدين اتحرك بالعربيه عادى واسحب بيها وحاول تسقط غيارات يعنى احرق بنزين.
ما سبق المقصود بيه انك بتعمل ريستارت لكمبيوتر العربيه .
ده ان كان العيب عباره عن تهنيجة كمبيوتر العربيه, لو استمر العيب يبقى فى مشكله فى عوامة البنزين او طرمبة البنزين وده ممكن حدوثه لو مشيت بالعربيه وتانك البنزين فاضى او به اقل من الربع لان طرمبة العربيه كهرباء فلا يستحب انك تمشى بيها والتانك فاضى.
ملحوظه من الممكن وجود شوائب بالبنزين والعمليه محتاجه بس تغيير فلتر بنزين.
يارب اكون قد افدتك وان شاء الله خير.
.

والله ربنا يبارك فيك .. هجرب واقلك.. شكرا لردك
اعذرني لو رديت متاخر عندي امتحنات اليومين دول

اقتباس:

المشاركة الأصلية كتبت بواسطة حسام البورسعيدى (المشاركة 418479)

والله انا شايف انك تاخدها لأى مركز صيانة وتكشف عليها بالاسكانر ...

والجهاز هيطلع العطل .. وممكن تطلع مجرد اخطاء سجلها الكونترول بتاع العربية وتتمسح بالجهاز فقط ...

المشكلة اني اعد في اسيوط ..وعندي امتحانات حاجة زفت .. لكن ربنا يسهل وتتحل .. خير ان شاء الله