|
رد: اسباب انحراف السيارة ناحية اليمين ؟؟؟؟؟؟
اخى الكريم
العربية دى فعلا عشان تمشى كويسة وما تحدفش لازم يكون كل حاجة سليمة فانت عملت اللى عليك واكتر فى العفشة من ادام بس نسيت حاجة مهمة اوى السوستة اللى ورى هى عبارة عن 3 ورقات سوستة بعرض العربية عبارة عن قوس وليهم سنتر وهو سنتر العربية عند اى حد حداد سوست زى مثلا الشاذلى فى عين شمس او الحاجة عند مستشفى اليوم الواحد بعد السكة الحديد هايفك السوستة دى وهايقنطرها يعنى يعليها شوية والمقاس المظبوط هو 27 سم ويحط شمبر ( كاوتش داخلى قديم ) بين كل ورقة وورقة ويركب بس انت بعينك لازم تتاكد ان علو العربية من اليمين زى الشمال بالظبط وساعتها وانت موقف العربية على شارع مستوى لازم تحس بعينك ان العربية من ورة اعلى من ادام بحاجات بسيطة واركب وادعيلى |
رد: اسباب انحراف السيارة ناحية اليمين ؟؟؟؟؟؟
الف شكر لكل من قام بمساعدتى
الحمد لله تم حل المشكلة العجلة اليمين كانت ماخرو 1.5 سم وتم عمل زرجينه وربط وتزييت العفشة والحمد لله بقت تمام |
رد: اسباب انحراف السيارة ناحية اليمين ؟؟؟؟؟؟
اقتباس:
الزرجينه ديه عملتها ثابته ام ماذا. ياريت طريقة عملها. |
رد: اسباب انحراف السيارة ناحية اليمين ؟؟؟؟؟؟
والله يا باشا انا مش عارف بالضبط لانى سبتلو العربية عشان كان ورايا مشوار
|
رد: اسباب انحراف السيارة ناحية اليمين ؟؟؟؟؟؟
ايه ياترىالسلام عليكم اخي الكريم
المشكلة ديت كانت عندي وطلع السبب ان العجلة مأخرو يعني مش زي الناحية الاخري والحل زرجينة والمقاس يحدد عن طريق ظبط الزواية الراجل هيقلك مأخرة اد اية ومدام انت رجعت علي كل حاجة جرب الموضوع دة ويمكن اكون صح |
| الساعة الآن 08:53 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017