مصر موتورز مجتمع السيارات - مشاكل سيارتى السويفت 94

مصر موتورز مجتمع السيارات (https://www.masrmotors.com/vb/index.php)

- سوزوكى Suzuki (https://www.masrmotors.com/vb/forumdisplay.php?f=33)

- - مشاكل سيارتى السويفت 94 (https://www.masrmotors.com/vb/showthread.php?t=5389)

رد: مشاكل سيارتى السويفت 94

أولاأشكرك على الأهتمام ياأستاذ/حازم ثانيا أستفسار آخر بالنسبة رداخ البنذين تلف فغيرته برداخ آخر خارجى يابانى سعره 160 جنيه السؤال الافضل الخارجى أو الداخلى والراداخ الميكانيكىسعره كام جديد وأستعمال ولك شكرى وتحياتى============

رد: مشاكل سيارتى السويفت 94

اقتباس:

المشاركة الأصلية كتبت بواسطة mnp (المشاركة 28978)

اخى وحبيبى فى الله حازم باشا اولا ان بدعيلك ربنا يكرمك لانك انسان جدير بالاحترام كفايه انك بترد على كل عضو ثانيا سوال مهم وارجوا نصحيتك لانى صرفت حوالى 2500ج على الموضوع دة من تغير مساعدين وخلافه وهو ان العربيه عندى قريبه جدا من الارض ومصيبه لو ركبت فيها اثتنين او ثلاثه ناس قلولى انها اغيرة السوست واجيب سوست لادا على فكرة نوع العربيه سوزكى سويفت

اقتباس:

المشاركة الأصلية كتبت بواسطة khaled bar (المشاركة 29448)

الله يخليك دا من زوقك واعذرني لتاخر الرد
بخصوص المبلغ ال2500 ف دا كتييييييير جدااااااااا
بالتمن دا كان زماني مغير عفشه كامله ورا و قدام!!!
المشكله عندك في المساعدين الخلفيه خفيفه
يا تغير المساعدين
او تكون اليايات تعبانه وفي الحاله دي غير اليايات
فيه حل مش بحبذه وهو انك تركب عليات ورا بس حتخلي العربيه تعوم
وبرضه لو ركبت تلاته العربيه حترزع منك

أولاأشكرك على الأهتمام ياأستاذ/حازم ثانيا أستفسار آخر بالنسبة رداخ البنذين تلف فغيرته برداخ آخر خارجى يابانى سعره 160 جنيه السؤال الافضل الخارجى أو الداخلى والراداخ الميكانيكىسعره كام جديد وأستعمال ولك شكرى وتحياتى============

العفو يا باشا انت تؤمر:)
بالنسبه للرداخ فالسويفت كلها رداخ كهربائي مش بيركب عليها ميكانيكي
بالنسبه لاني واحد احسن بصراحه ما اعرفش
انا كان عندي اللي في التانك و لما باظ ركبت خارجي اسهل وارخص
وشغال بكفاءه بقاله تلات سنين(بعد ما جبت العربيه مباشره)
بس انا جايب واحد بتاع ميتسوبيشي مالوش صوت و تمام اوي

رد: مشاكل سيارتى السويفت 94

مشكور ياباشا والحمد لله الرداخ صوته مش عالى وربك هو الستار

رد: مشاكل سيارتى السويفت 94

نفس مكلتى مع طرمبة البنزين

هاتفضل طول عمرك تشترى فى طرمبات زى حالاتى

نصيحة امشى بطرمبة جديدة احتياطى معاك و اتعلم تركبها ازاى علشان اكيد هاتتزنق زى حالاتى

رد: مشاكل سيارتى السويفت 94

بعد السلام عليكم و رحمته و بركاته
1بالنسبة للزيت الي في الكربارتير شوف خرطوم الفايز بتاع تبخير الزيت وممكن تكون عاوز طقم إصلاح جوانات للكربراتير نفسه او زيت زيادة كما تفضل ألاخ حازم
2 الصوت ممكن يكون سير محتاج شد او تبديل او شوية بودرة ممكن تجرب ترش عليه شوية ميةاو تزود بنزين لو زاد وبعدين راح الصوت يا تشده يا تغيره و تخلص الإحتمال التاني ممكن تكون بلية خشنة بدلها بنوع skf
و بالنسبة للإكصدام لو الكسر صغير روح لاي حد بتاع فيبر يصلحولك مش مكلف بس هاترشه
و ربنا يوفقك

يرجي من الاخ الكريم مراعاه كتابه التحيه المقرونه بلفظ الجلاله بطريقه صحيحه
مشرف القسم
حازم خضر