|
رد: خمس نقط زي اللوز قبل ما تجيب الكروز
منور يا محمد باشا تيجى بالسلامه من المانيا يا رب الموضوع جميل بس علشان منك وكلامك كله مظبوط ماشاء الله بس لو هتستنا منصور يصلح من نفسه بالنسبه للمواصفات يبقى خروج مبارك من السلطه كان اسهل ومع ذلك العربيه بالمواصفات دى مش بطاله بالنسبه للسعر وانت نفسك اكيد حسيت بالموضوع ده لانها لو كانت بالمواصفات العاليه الى انت قارنتها بالماركات الاخرى صدقنى انا كنت اول واحد مش هاجيبها لانها هتكون اعلى فى الشراء والاستهلاك والحمد لله ان اغلب الناس بتعرف تقارن وتحدد احتياجتها ومحدش هيقول ان منصور ضحك علينا لأ احنا موفقين بالوضع ده والى حاسس ان الكروز هتسببله مشاكل يجيب اوكتفيا او هوندا او تويوتا او اى ماركه مفيهاش مشاكل ومفيهاش منصور وبارضو هيتلاقى ان حلم خروج مبارك كان اسهل من حلم الوكيل المحترم وربنا يوفق الجميع
|
رد: خمس نقط زي اللوز قبل ما تجيب الكروز
بحيك ياباشا ع الموضوع الجميل دة
بس بالنسبة لاسسيتى ممكن تحل المشاكل دى كلها بالنسبة الاوبشن والموتور والامان والباور هيدروليك مش كهرباء وفى بردة معلومة احب اعرفهالكم انا عربيتى مثبوتة فى الرخصة انها 1600 لكن الكمبيوتر بيشوفها انها 1800 وكمان الموتور الى فيها هو نفس الموتور الكروز الى 1800 فمش فاهم ازاى شكرا مرة تانية ع الموضوع المتميز دة |
رد: خمس نقط زي اللوز قبل ما تجيب الكروز
اقتباس:
متفق معاااك يا باشا في المثل دا قوي وبصراحه انا كمان تقلت علي الوكيل لأن المحرك ال 1400 تيربو دا نازل في امريكا بس ولسه حتى منزلش في اوروبا ممكن مع موديل 2011 فعلا نلاقيه في مصر واعتقد سعره هيكون مبالغ فيه ف هنجيب ال 1600 برضه وانا ملازلت مقتنع بالكروز بصراحه حتى بعد مع سعرها بقى 160000 دلوقتي اقتباس:
وهل موجود منها فئات مختلفه ولا هيا فئه واحده ؟؟؟ وانا عايز اعرف اللي بيجيبو اللاسيتي دي بيجبوها من الخليج ولا من كوريا؟ جميل ان الباور بتاعها هيدروليك احسن كتيير من الكهربا وامتع في السواقه بالنسبه للرخصه فدي حاجه كويسه ان مكتوب فيها 1600 بس لأنهم بياخدو الحاجات دي من ورق العربيه وهيا جايه من بره فواضح ان المستورد ظبط حاله انها 1600 بس عشان الجمارك |
رد: خمس نقط زي اللوز قبل ما تجيب الكروز
منصور من اسوأ الوكلاء و مقضيها بلطجة و فنيين بيفهموا في الخيار
العربيات بيفضيها و يبيعها بسعر الهاي لاين برة و زعلان جدا انك تقول ان اللانسر الشارك موتور ضعيف و مفككة افضل عربية في الفئة من 100-140 الف هي الشارك و الرينو فلوينس |
رد: خمس نقط زي اللوز قبل ما تجيب الكروز
شكرا محمد باشا على المقارنه الجميله
ومرحبا بك فى بيتك الثانى مصر موتورزGIFT4U وترجع بالسلامه من السفر ومعك تقارير احسن واحسن |
| الساعة الآن 09:20 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017