رد: زونه او وونه فى التبلوه
 

شكرا يا استاذ ميشو على الرد
بس لى استفسار هو ممكن الحاجات اللى فى التابلوه او اما الزجاج او الطفايه تعمل صوت مع الغيار الاول بس
طب ايه هيخليها متعملش صوت وانا ع التانى او التالت او الرابع
وهل انت تستيعد انه يكون عيب كهرباء ء
ومقلتليش عملت ايع فى الصوت ده فى سيارتك عشان يروح ولا هو لسه موجود

رد: زونه او وونه فى التبلوه
 

أخي انا معايا نفس العربية ومن ساعة ما قلت على الونة ده وانا ابتديت اركز لقيت وانا على الأول ونازل منزل وحاطط رجلي على الدبرياج لقيت صوت زي ونة كده فهل ده الي بيحصل مع حضرتك ؟؟؟ بس ماركزت بعد كده في تكراره ولكن من بعد ما قلت بليه دبرياج وانا ابتديت أقلق يا جماعة انا خايف اكون اخدت مقلب في العربية ده وخايف أندم لأني لم اشتري اللوجان الكاسيت عندي فيه مشكلة والأخ بحر الحياه عارفها لدرجة اني فاصله نهائياً من زرار الباور لحد ما أروح صيانة الألف إن شاء الله تخيلوا !!!!!!!!!!!!!!!! ودلوقتي بلية دبرياج وما خفي كان أعظم ؟؟؟؟؟؟؟!!!!!!!!!!!!!!

رد: زونه او وونه فى التبلوه
 

- عفوا اخى واعذرنى عالتأخير
- اظن ان اهتزاز وارتجاج السيارة بيكون اقصاة على الغيار الاول
- واللى بيأكد الكلام دة لو عندك عربية فيها مراية مفكوكة سنة بتلاقى الصورة فيها رعشة شديدة عالغيار الاول او عند الضغط بشدة على دواسة البنزين
- ومعروف ان الغيار الاول ثقيل ومهمتة تحريك العربية من السكون للحركة وبالتالى علية عبىء كبير
- اما بالنسبة لعربيتى فأنا سألت لقيت نفس الصوت فى عربية صديق لى وقلى " الصوت دة هيجننى " ولم اتوصل لحل خاصة وان الصوت كان على فترات وغير مستمر الى ان بعت العربية
- ولو حضرتك ليك ضمان يبقى فالصيانة ممكن تقلهم علية
- فية حاجة كمان تأكد من ان الشنطة فيها كل حاجة مثبتة من كاوتش وعدة وكوريك

رد: زونه او وونه فى التبلوه
 

تشكر ع الرد يا باشا انا سالت الميكانيكى اللى كنت بصلح عنده العربيه القديمه هو ميكانيكى عجوز ودئرم جدا وهو اكدلى ان ده صوت الفتيس خشن قلتقله يعنى عشان لسه جديد وهينعم مع الوقت قالى لا الفتيس مش زى الموتور الصوت ده هيفضل قلتله طيب ايه الحل قالى حل من الاتنين اما يغيرولك زيت الفتيس بزيت اتقل عشان الزنه تروح وده مش حل كويس لانه تحايل ع المشكله او انهم يغيرو الفتيس خالص وهو ده الصح فايه رائيكم