رد: الحقوني يا جماعة العربية مش عايزة تدور
 

واضح طبعا أن فيه مشكلة فى دايرة هواء السلانسيه

وهنا يفضل نبدأ بالآتى

1- نظافة بلف الأيدل وبوابة المكنه

2- تغيير فلتر الهواء بالمره

طبعا نظافة الرشاشات الصح بتكون على جهاز الألترا سونيك

ولكن طالما السحب تمام والمكنه مبترعش على السلانسيه

فبيتم أستخدام منظف رشاشات

زى stp أو أبرو الأمريكانى

كنقطة وقاية وتنظيف مستمر لدايرة البنزين بوجه عام

( ومن هنا بيتم رفع كفاءة الرشاشات )

الطريقه ببساطه شديده

تفويل تنك البنزين مثلا

ووضع عبوة المنظف

وعمل مشوار طويل بحيث يتم حرق غالبية البنزين بالمنظف

رد: الحقوني يا جماعة العربية مش عايزة تدور
 

على فكرة يا بشمهندس أنا جبت منظف من البنزينة وأضفته للتنك قبل كدة, لكن المنظف اللي جبته النهاردة في علبة عاملة زي البايروسول ببخاخ ولما سألت الراجل قاللي هو ده المنظف فهل ممكن أعرف أنظف بيه إزاي؟ وإزاي أفك الحاجات اللي قلتلي عليها, معلشي هتعبك معايا بس أنا خبرتي تعتبر محدودة شوية , وشكرا...............

رد: الحقوني يا جماعة العربية مش عايزة تدور
 

ممكن أشوف صوره ليه

أو تكتبلى البيانات إللى على العلبه كاملة

طيب هل أنت عارف بلف الأيدل فين على المكنه

وعارف ما المقصود بالبوابة

ولو فيه سابق خبره ولو بسيطه

فممكن تعمل الأمور دى بنفسك

سواء نظافة البلف أو البوابه

أما

لو مفيش سابق خبره لمثل تلك الأمور

يبقى يفضل الأستعانه بميكانيكى

رد: الحقوني يا جماعة العربية مش عايزة تدور
 

طيب ايه رأي حضرتك هل الأفضل أروح لحد عنده جهاز الألترا سونيك, أنا سمعت إنه بينضف الرشاشات كويس, على فكرة نسيت أقوللك إن المنظف عليه كلمة تشوك وهي علبة أبيض في أزرق

رد: الحقوني يا جماعة العربية مش عايزة تدور
 

اللجوء للألتراسونيك

بيكون فى حالة وجود خلل فى آداء الرشاشات فقط

مثل

1- خنقه فى السحب وقادمه من الرشاشات بعد التأكد من حالة الطلمبه وفلتر البنزين

2- رعشه أو ذبذبه لسرعة المكنه والمكنه دايره على السلانسيه