رد: في الأول إسطوانة وديسك وفي الأخر فتيس
 

يا فادى حضرتك بتقول كان سحبها زى الفل و بعد تغيير الفتيس لم اجد فرق فى السحب مما يوحى بأن السحب كان وحش
هوا السحب كان كويس و لا وحش؟

العضة فى كل الغيارات ؟

ممكن لو هتروحو للميكانيكى اجى معاكو

الدبرايج لو إسطوانته خلصانه اكيد العربية مش هتسحب بشكل كويس عشان بيكون فى إنزلاق بين الحدافة ( Flywheel ) و الإسطوانة بتاعة الدبرياج
لكن إنك تلاقى سوستة الدبرياج ( لو المقصود السوستة اللى بتكون من ضمن سوست الإسطوانة ) مكسورة يبقى كدة فى مشكلة عشان اصلا السوست دى بتعمل على إمتصاص الصدمات عند النقل
الاول شف مستوى زيت الفتيس و لونه و من غمتى إتغير و بعد كدة ربنا يسهل
و على فكرة ممكن الموضوع مش يكون فى الفتيس خالص ممكن يكون فى منظومة ذراع النقل او أتياش الفتيس
شوف الزيت و قولنا و يا رب نساعدك

رد: في الأول إسطوانة وديسك وفي الأخر فتيس
 

سحب العربية مكانش وحش فعلا يا نيسان و انا كنت شاكك في موضوع انها عايزه ديسك و اسطوانة بس فادي قالي ان الميكانيكي بيقول انهم مستهلكين بس انا مش مقتنع الطقم بيأثر علي السحب و السرعة القصوي كمان و العربية مكانش فيها حاجة من الكلام ده الموضوع بتاع الار بي ام انا قولت لفادي ان امبير السرعة مش مظبوظ و مبيقراش صح يعني الار بي ام يبقي 3500 و العربية مدية سرعة 100 و السرعةالفعلية بتبقي في حدود 120 انا جريت بيها كتير و حافظها عشان كده قلتله الامبير مش مظبوط

السحب بتاع العربية قبل التغيير كان حلو مش وحش كان عايز بس تنضيف كربراتير و العربية تبقي طلقه...

شكرا يا باشا علي استجابتك لرسالتي :)

رد: في الأول إسطوانة وديسك وفي الأخر فتيس
 

أنا أسف جداً شباب ع التأخير ... أنا مدخلتش من كام يوم عشان كنت مسافر

و شكراً علي إهتمامكم بموضوعي بس فعلا أنا محتار من الموضوع ده ومش عارف أعمل إيه بالظبط بس أنا فعلا شفت بنفسي موضوع البوش ده

وأما بالنسبة للفتيس اللي راكب في عربيتي الميكانيكي قالي إنه بتاع بولو و أرقامة

1490
48cwn407 الأرقام الأخيرة اللي ع اليمين مش متأكد منهم أوي عشان كان علييهم صدأ

رد: في الأول إسطوانة وديسك وفي الأخر فتيس
 

وبالنسبة للإسطوانة والديسك اللي كانو راكبين هما معايا

رد: في الأول إسطوانة وديسك وفي الأخر فتيس
 

هو عرف منين انه بتاع بولو يا فادي و انهي بولو تحديدا؟؟؟؟

الطقم اللي راكب حاليا جديد ولا استيراد؟؟؟