المشاركة الأصلية كتبت بواسطة سلاكوستا (المشاركة 407660)

رأيي المتواضع إنك تدور على عربية دايو لانوس وبأكد على كلمة دايو اللي هيا تقفيل وصناعة كوري, لكن ما انصحكشي بشيفورليه لانوس, أما عن الأفيو وده عن تجربة ممكن ألخصلك عيوبها كالاتي:

1_ طرمبة البنزين بتضرب بسرعة غريبة والمشكلة انك مش هتعرف أيه السبب.

2_ عداد ال rbm عالي نسبيا وده بيأثر على الحرارة واستهلاك البنزين.

3_ سحب العربية وانت مشغل التكييف وحش جدا جدا جدا , وده عن تجربة في السواقة, يعني بمجرد ما توصل لسرعة ال 120 بتحس إن العربية هتفطس منك.

4_ ثباتها على الطريق السريع وحش وحش وحش، اللانوس أفضل في الثبات وده راجع إن العربية عالية عن الأرض وبالتالي ده بيأثر على الثبات في الطرق السريعة.

5_ فيه ناس بتقول إن السرعة القصوى 180 كم أنا وعن تجربة بأكدلك إن السرعة القصوى لن تزيد عن 150 كم بأي حال من الأحوال.

6_ صيانة وإصلاح اللانوس أفضل وأسهل وأرخص تحس إن أي صبي ميكانيكي يشتغل فيها.

وشكرا.