المشاركة الأصلية كتبت بواسطة matars (المشاركة 378093)

باشا اتكل على الله وهات الابترا اتوماتيك طبعا خلاص زمن المنول خلص يا باشا قولي ليه اقولك ببساطة مشوار زي من اكتوبر لمصر الجديدة هقتف في الزحمة ساعة هتقعد كل شوية تدوس دبرياش لاء طبعا مصر بقت زحمة والاتوماتك اختير صح ومنحيث السحب عربية جميلة جدا في السحب وفتيسها حلو اخويا على طول بيحرق على العربية على التاني وعاملة معاه دلوقتي 80 الف بس بيعمل صيانة في التوكيل اول باول والون النبيتي واكل اوي ع العربية ماشاء الله اتكل على الله والف مبرررررروك مقدما

المشاركة الأصلية كتبت بواسطة mido_forever87 (المشاركة 376135)

السلام عليكم

وعليكم السلام ورحمة الله وبركاته


اولا شكرا لاهتمامكم برسالتي

عفوا كلنا هنا اخوات وكله بيساعد بعضه

ثانيا هخش في الموضوع علطول عشان ما اطولش عليكم
انا مسافر برة و ان شاء الله هنزل عالعيد الصغير او الكبير

ترجع بالسلامة ان شاء الله

و ناوي اشتري اوبترا و اول حاجة محتار مانيوال ولا اتوماتيك عشان بيقولوا الاتوماتيك مشاكله كتير و كمان بيسحب بنزين اكتر

مبروك مقدما وربنا يعطيك خيرها ويكفيك شرها
الجزء الفني افادك فيه المهندس سمير عياد


الحاجة التانية اللون .. انا عاجبني الاسود اوي و الكل بيقولي الابيض هيريحك بعد كده في الخدوش و بعد كام سنة هعرف الفرق

الاسود مع كمية التراب اللي في مصر هتبهدلهولك قوي
على الرغم اني شخصيا بحب اللون الاسود الا انك لو هتجيبه يبقى تعمل حسابك انك هتتعب في تنضيفها كل شوية
يا اما تعملها تشميع كل فترة وترتاح شوية من موضوع التراب ده
والابيض اي حاجة هتحصل اي حد هيشتغل فيها اي حد معدي وايده مش نضيفه وسلم عليها هتبطع عليه
فرأي المهندس سمير اظنه افضل
طبعا لو حابب اللون الاسود زي ما قلتلك تعمل حسابك كل فترة تشمعها

الحاجة الثالثة محدش عنده علم هي هترخص او هتغلى من هنا لغاية العيد الكبير عشان لو هتغلى اشتريها من دالوقتي اريح

العلم عند الله الاسواق المصرية لم تستقر حتى الان
وجايز تزيد وجايز تقل
وانت بتتكلم عن عيد الاضحي يعني اخر السنة هيكون موديل 2012 نزل الاسواق ومتوقع نزول اسعار موديلات 2011

الحاجة الرابعه هي كل تابلوهات الاوبترا جزئين اسود و لا رمادي و لا فيه تابلوه كله اسود

لا اعلم

الحاجة الخامسة . موضوع الكمبيوتر ده ,, انا كان عندي عربية رينو في مصر و قرفتني جدااا بسبب موضوع الكمبيوتر ده و البعض خوفني من كمبيوتر الاوبترا

الي خوفك خوفك من ايه بالضبط
فيه عربيات عيب الكمبيوتر لما بيظهر بيوقف العربية كلها
وفيه عربيات لما يبقى فيه عيب بيفضل يديلك تنبيه ليه وبس

الحاجة الاخيرة و اسف للاطالة و هي كاسيت الاوبترا هل هو سي دي بس اوديو ولا ام بي ثري ؟؟ و هل ممكن اشغل فلاش ميموري عليه ام بي ثري و لا لأ ؟؟

ممكن تريح دماغك خالص وتركب اي عدة صوت نضيفة سماعات وكاسيت وجي ام بايونير او كيننوود اعتقد هتبقى افضل من الحاجة الي هتكون في العربية نفسها
وممكن تسيب الكاسيت بتاعها وتشتغل على ام بي ثري ولاعة وتشغله على FM

بجد بعتذر اني طولت عليكم بس بجد محتاج رأيكم و ماخاب من استشار