مصر موتورز مجتمع السيارات
صفحة 2 من 6 1 2 3456
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   كيا سيراتو Cerato (https://www.masrmotors.com/vb/forumdisplay.php?f=137)
-   -   خبراتكم ياشباب , اشتريت سيراتو اليوم والحمدلله (https://www.masrmotors.com/vb/showthread.php?t=49776)

corsair 16-03-2011 02:21 AM
رد: خبراتكم ياشباب , اشتريت سيراتو اليوم والحمدلله
 
اهم حاجه الفترة ديه متخرجش بيها بليل ابدا وحاول يكون معاك اي سلاح او اي حاجه تدافع بيها عن نفسك ومتحاولش تجري فوق ال 100 ومتشغلش التكييف واعمل الصيانة في مواعيدها وفي الشتا حط زيت 10000 كيلو وفي الصيف خليك في ال 5000 وحط في دماغك ان كل اللي بيسوقوا حواليك مبيعرفوش يسوقوا والف مبروك وربنا يديك خيرها ويكفيك شرها

kia2011 16-03-2011 02:32 AM
رد: خبراتكم ياشباب , اشتريت سيراتو اليوم والحمدلله
 
اقتباس:
المشاركة الأصلية كتبت بواسطة lol64 (المشاركة 375631)
الف مبروك وربنا يديك خيرها ويكفيك شرها
ماتجريش بيها فوق ال 100 كيلو فى الساعه الى ان تكمل ال الف كيلو الاولى وتعمل صيانتها
طبعا لازم تظبط الكاوتش بتاعها لان هاتلاقى عفشتها ناشفه لان الكاوتش بيزودوه جامد فى المعارض
ماتشغلش التكييف برضه لحد ماتخلص الالف الاولى وبعد صيانتها
امن العربيه جامد وانت راكنها عشان اليومين دول قلق وسرقات لاقدر الله وخصوصا العين على السيراتو مش عارف ليه هى بالذات
وربنا يحرسهالك ان شاء الله
GIFT4U
اقتباس:
المشاركة الأصلية كتبت بواسطة corsair (المشاركة 375634)
اهم حاجه الفترة ديه متخرجش بيها بليل ابدا وحاول يكون معاك اي سلاح او اي حاجه تدافع بيها عن نفسك ومتحاولش تجري فوق ال 100 ومتشغلش التكييف واعمل الصيانة في مواعيدها وفي الشتا حط زيت 10000 كيلو وفي الصيف خليك في ال 5000 وحط في دماغك ان كل اللي بيسوقوا حواليك مبيعرفوش يسوقوا والف مبروك وربنا يديك خيرها ويكفيك شرها

اشكركم من قلبى والله

بس حبيت اعرف التالى

صيانة 1000 كيلو عباره عن ايه بظبط ؟

والسياره خليجي أى توكيل يقبلها ؟ او فين اعمل صيانة 1000 كيلو ؟

والجانط اظبطه على كام ؟ 35 او 37 ؟


لكم جزيل الشكر

Kemo Kono 16-03-2011 02:51 AM
رد: خبراتكم ياشباب , اشتريت سيراتو اليوم والحمدلله
 
مبروك يا باشا و ربنا يوفقك معاها و تفهموا بعض الايام الجاية
:D GIFT4UGIFT4U

*حاول توقفها ف جراج او ف حتة امنة
*اظبط الكاوتش عن حد بيفهم و هو لوحده هيظطه منغير ما تقوله
*هاتلك كام اكسسوار حلو كده .. فرش تابلوه .. واحدة شجرة ( معطر ) .. راشيتين خوص للكرسيين الاماميين .. دواسات حلوة كبيرة .. طبعا يفضل قدام شوية تعمل كسوة جلد ارض و كراسى للحماية ..
*بلاش تحط الكفرات النيكل على الفوانيس الامامية والخلفية .. ولا المرايات ... ممكن تجيب كفرات نيكل للاوكر بس كلمسة جمالية ...
*طبعا بلاش جرى و شد و حرق و فرك اول 1000 .. و ماتعديش ال 100 و بلاش تكييف .....
*تجيب كفر حلو كده للتارة و الحزام ..
حافظ عليها ( اكيد مش محتاج توصية .. ) و صونها من اول يوم عشان متعزبكش قدام .... و بأكد على نقطة التامين ... وقفها على جنب خاااالص و اقفل مراياتك و ممكن تغطيها او تبقى تجيب غطى ... و حاول توقفها ف جراج و يا سلام لو جراج خاص .. و ما تسيبش باب مش مسوجر حتى لو ف جراج و متسيبش المفتاح ف الجراج ( لو جراج عام ) عشان لو اقتحموا الجراج هياخدوا المفاتيح و يدوس على زرار الفتح و يروح على العربية اللى هتعمل صوت و ياخدها و يشد

ربنا يسترها اليومين دول .... مبروك كمان مرة GIFT4UGIFT4UGIFT4UGIFT4UG IFT4U

kia2011 16-03-2011 03:02 AM
رد: خبراتكم ياشباب , اشتريت سيراتو اليوم والحمدلله
 
تسلم كيمو على نصائحك

انا بركنها فى جراج خاص والحمدلله مأمن جدا والله يسترها بردو

احتاج اجابه على الاسئله التاليه ياكيمو وياشباب


صيانة 1000 كيلو عباره عن ايه بظبط ؟

والسياره خليجي أى توكيل يقبلها ؟ او فين اعمل صيانة 1000 كيلو ؟

والجانط اظبطه على كام ؟ 35 او 37 ؟ عشان فى ناس بتوع كوتش بتزود وخلاص

شكرا مقدما

xabi 16-03-2011 03:06 AM
رد: خبراتكم ياشباب , اشتريت سيراتو اليوم والحمدلله
 
الف مبرووك ياباشا وربنا يديك خيرها ويكفيك شرها بإذن الله..
بالنسبه لصيانه ال1000 كيلو فعلى حسب علمى لغايه رجاله المنتدى الكبار يقللولك بتبقى فى التوكيل..وهناك بيغيروا الزيت ويربطوا على العفشه ولو فيه اى مشاكل تقولهم عليها ...حاجات بسيطه يعنى متقلقش...والف مبروووووووك مره تانيه


الساعة الآن 06:46 PM.
صفحة 2 من 6 1 2 3456
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017