|
رد: شكرا سبير كار شكرا أستاذ أمير
ان شاء الله الجهاز - يبقى شغال - ومتسمعش صوتة نهائى - وانا عندى استفسار 1 - بما ان عربيتك نيوسيراتو تبقى بريموت ام لا ؟ 2 - هل تم تقشير فى الضفيرة ام لا ؟ وان كان فهل كتير ؟ 3 - الجهاز الجديد لة ريموت فما دور ريموت السيارة الاصلى ؟ 4 - ما هى امكانيات الجهاز كاملة ؟ 5 - هل بة حساس تعلى او تخفض بة درجة حساسية الانذار - واعذرنى لان عربيتى لانسر 2010 وناوى اركبة لكن متخوف مما ذكرت خاصة والعربية خليجى بضمان الرواس ومشكور اخى الكريم |
رد: شكرا سبير كار شكرا أستاذ أمير
اقتباس:
هو مدي الجهاز معقول بالقياس للأجهزه الأخري إللي في السوق يعني تقدر تقول حوالي 500 متر هو المدي القوي والفعال ...حتي لو فيه خرسانات فالمسافة دي بتستقبل بيها كويس بين العربية والجهاز ودي حاجه كويسة لأني كنت مركب قبل كده أجهزه أخري بس ون واي فقط وكانت تقعد تزعق وصوتها عالي بس ولا أنت سامع حاجه عشان مفيهاش خاصية التو وي يعني كنت كارفور العبور وراكن في موقف البنوك وكان فيه ترنسميشن ... وده بيبان علي الجهاذ زي الموبايل كده ؟؟؟ وكانت المسافة حوالي 700 متر بالنسبة للسؤال التاني عن كون التو وي مفيد ولا لأ ... طبعا التو وي مفيد جدا يعني لو حضرتك كنت في كارفور مثلا زي كده وفيه مسافة كبيرة غير الزحمه بتاعة المكان وحصل حاجه للعربية فااليموت إاللي معاك بيديك ثلاثة تنبيهات - إهتزاز -إضائة إنذارية متقطعة - صوت إنذار ( صفير رقيق ) - صورة بتبين إذا كان فيه محاولة إقتحام للأبواب أو كسر للزجاج بس أنا إكتشفت إن الصورة دي نمطية يعني أي خبطة في أي حته في العربية بتديك شكل شاكوش بيخبط الزجاج ... بس أي محاولة لفتح الأبواب بتظهر محاولة فتح أبواب حتي لوكانت الشنطة يعني من الأخر افيد أوبشن موجود هو ال2way ومفيد جدا أرجو رديت علي أسئلتك بوضوح وتقبل تحياتي GIFT4U |
رد: شكرا سبير كار شكرا أستاذ أمير
اقتباس:
بالنسبة لخواص الجهاز كتيره جدا بس هاأقولك علي إتنين منهم مش شاغلين عندي عشان مش عايز لعب كتير في الضفيرة - الجهاز فيه خاصية حساسية التتبع يعني لو فيه حد عمال يلف حوالين العربية بيستطلعها وبينه وبينها سنتيمرات ... بيديك إنذار متقطع وخاصة تانية إنه بيفصل كهربة الموتور لو الحرامي قدر يخش جوه العربية ....أنا بفضل الخواص دي تتعمل بواسطة الوكيل وإللي عرفته إن حتي الوكيل مبيشغلش كل الخواص وفيه خواص كتير راجع اللينك إللي أنا حاطه في الرد علي المداخله التانية في نفس الموضوع وهو فيه كل حاجه عن الجهاز - مقشرش كتير ولا حاجه في الدفيرة وعزل كلي التقشيرات باللحام الشكورتيون - الجهاز فيه حساس بتعلي وتوطي منه الصوت بس هو عموما صوته مش عالي قوي لأنه تو وي من إنذار صوتي فقط - بالنسبة للريموت بتاع الجهاز هو وفرلي ريموت العربية يعني بفتح وأقفل منه .... زي ريموت العربية بس متقدرش تستغني عن ريموت العربية لوسيارتك مفتاحها سمارت كي ( أو المفتاح المشفر ) يعني باشيل الريموتين عادي ... وده ها يوفرلك بطارية ريموت العربية ويوفر إهلاكه وفي جميع الأحوال أجهزه الإنذار النظيفة بتحتاج تشيل الريموت بتاعها بجانب ريموت السيارة وأي إستفسار أخر أنا تحت أمرك ... توكل علي الله وركب الإنذار متخفش GIFT4U |
رد: شكرا سبير كار شكرا أستاذ أمير
جروب سبير كار على الفيس بوك
http://www.facebook.com/group.php?gi...5136269&v=wall |
رد: شكرا سبير كار شكرا أستاذ أمير
جروب سبير كار على الفيس بوك
http://www.facebook.com/group.php?gi...5136269&v= wall |
| الساعة الآن 03:21 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017