رد: اشترى فيرنا
 

حظك حلو لانى لسه مستلم فيرنا امبارح وهقولك على اللى فيها
اولا هى فعلا زى ما قال احد الزملاء فوق ان الوكيل غير علبة الشكمان وعلاها شويه لان هى فعلا عاليه عن القديمه
ثانيا لاحظت انها ما شاء الله قويه جدا وناعه جدا وتكييفها ممتاز واعتقد ان الوكيل غير فيها حاجه من جوه خلاها اوسع من القديمه لانى حسيت انها اوسع من الموديلات القدميه
ثالثا فيها اوبشنات جميله جدا جدا زى منفاخ الهوا اللى فى كرسى السواق اللى بيملى ظهر الكرسى هوا عشان ظهرك ميوجعكش وانت سايق ودى بنفسى انا حسيت بيها لانى سقتها حوالى 3 ساعات من غير ما احس باى الم فى ظهرى
رابعا لاحظت وانا بسوقها انها ناعمه جدا جدا وبتسحب كويس جدا
وانا عن نفسى انصحك بيها لانها فعلا حلوه
وبالمناسبه احب اعلق على حاجه بخصوص ال RB
شوفتها امبارح وانا بستلم الفيرنا من توكيل هيونداى فى ابو رواش لاحظت ان غبور بيه مركبلها الانذار فى مصانعه هنا مش بتيجى من كوريا متركب فيها لان اللمبه بتاعت الاناذر فى كل العربيات طالعه من التابلوه بالسلك بتاعها بنفس الطريقه اللى بيركب بيها انذار الناس اللى فالشرع
فحمدت ربنا انى مشترتهاش لانى كنت ناوى اشتيها قبل الفيرنا لكن ربنا خلانى ابعد عنها والا كنت هشترى عربيه ب 100 الف جنيه المفروض انها تجميع كورى لكن بيتلعب فيها فى مصر
ده كلام يا عم غبور بيه اتقى الله يا غبور ده انت كمان غلتها 3600 جنيه بدون سبب وانت الوحيد اللى غليت عربياتك فى السوق كله
اتق الله يا غبور باشا

رد: اشترى فيرنا
 

رد: اشترى فيرنا
 

سياره هيونداى فيرنا ..... من السيارات القويه والممتازه من هيونداى
لانها هيونداى اكسنت ( لكن بمسمى اخر لعمليه التسويق )
وكما تعودنا من هيونداى ......
تتوارث الاجيال فى اكسنت ...... ونجاح يزداد من جيل الى جيل فى سيارات هيونداى :14369D~149:

رد: اشترى فيرنا
 

شكاوى ايه اللى من النيواكسنت العربية زى الفل منتشرة بقوة ومافيهاش مشكلة عامة او محورية وخصوصا بعد تغيير باور السيارة من كهربى الى هيدروليك

رد: اشترى فيرنا
 

يا سلام لو تجربوا الرينو لوجان....أنا متأكد إنكوا حتبيعوا الفيرنا تانى يوم ...أنا سوقت الأتنين..يا جماعة فى فرق كبيىر بين العربيتين...سيبك من قوة ماتور الفيرنا اللى إنت مش محتاجها فى شوارعنا دى