|
رد: بتحب انهى مدرسة فى صناعة السيارات
انا عن نفسي بعشق المدرسة الالمانية...
لما بقف ادام عربية المانية ايا كانت فئتها من الداخل تحس بجودة الخامات في التابلوه و التقفيل و الجسم الخارجي تحس فيه بالقوة و المتانة و الصلابة و اهم حاجة الاهتمام بمعايير الامان للركاب و ده رقم1 عندهم امان الركاب.... طبعا الالمان لا غبار عليهم في المتانة و القوة و الاعتمادية مواتير و عفشات بصراحة سيارات اثبتت كفائتها المتناهية الاوروبي عموما و الالماني خصوصا |
رد: بتحب انهى مدرسة فى صناعة السيارات
موضوع جميل اوى ومشاركات اجمل بس انا عايز اقول حاجة مهمة انتوا بتتكلموا عن زمان ولا دلوقتى زمان كانت بيجو وفيات عربيات ملهاش حل وحاجة من الاخر بعدها المرسيدس والامريكانى على طول بس بعد كده اليابانين وفرو عربيات ناعمة جدا وفيها كماليات عالية باسعار اقل فنجحو وحسنو الجودة فبقى اليابانى حاجة اصلى وانا فاتك اليابانى تبقى وقعت من قعر القفة جت العربيات الكورى والناس اشمأزت منها فى الاول زى الصينى دلوقتى وبعدين سيطر على اغلب الناس لانه شكلة كويس وعملى ورخيص وصيانتة سهلة وبقالوا سعر فى السوق وماسك نفسة زى اليابانى وزى الاوربى زمان
زمان كانت العربيات الاساسية للناس اوربى كلها تقريبا بعد كده بقى اليابانى دلوقتى عصر الكوريين وممكن بكره يبقى للصينى فهى مش دايمة لحد والمستهلك عمرة ماكان عبيط ولا بيشترى عربية علشان بيحن او بيستريح للاوربى ابدا ده مش صح والدليل فى الشارع فانا شايف ان انجح حد يعمل عربيات هو اللى يوفر عربيات اقتصادية رخيصة عملية اللى عمل او قدم عربية بالشكل ده سواء كان طليانى ولا امريكانى ولا اسلامى ولا هندوسى بينجح وبيقلب الموازين على الموجودين فى السوق سنة بعد التانية لحد ما يبقى من الكبار يقوم يتقل وتيجى حد تانى ايا كان اصلة او فصلة يعيد اختراق السوق بنفس الطريقة وتتعاد نفس الاحداث يعنى مفيش حد احسن من حد هى دايرة مستمرةptmnlo123per1127 حد فاهم حاجة علشان انا مش فاهم ptmnlo123per155 |
رد: بتحب انهى مدرسة فى صناعة السيارات
انا عن نفسى شايف ان افضل مدرسه هى الاوروبى
وبالترتيب من ناحيه البلاد وحقيقى انا ملقيتش عربيات تحس فيها بالثبات غير الالمانى والفرنساوى وشكرا على كده كله بعد كده ميقدرش ينافسهم حتى فى حته التكييفات التكييف عند الاورويى تكييف متوسط مش عاملينلك تلاجه لان التكييف لازم يبقى مريح مش تكييف قوى وخلاص زى الهيونداى الاكسيل كده تشغل التكييف تبقى عايز تلبس بلوفر وتلاقى العربيه سحبها بقى فى الارض ومفيش عزم وفوق كل ده تلاقيها هتطير لو عدت ال100 اليابانى معتقدش انه قوى بالدرجه اللى الناس متصوراها هى مجرد عربيات اعتماديتها عاليه لفتره من الزمن لكن برضه فيها عيب رهيب جدا انى مثلا دخلت توكيل ميتسوبيشى سألت على تمن كام حاجه كده زى الاكصدام الامامى تمنه 3000 جنيه من غير رش ولا تركيب ولا حتى معجون الزجاج الامامى 1800 جنيه اكيد الاسعار دى لعربيه زى اللانسر البومه اللى مغرقه بلدنا هل الاسعار دى فيها ريحه المنطقيه مع الانتشار الممل جدا من عربيه زى دى(انا مبقولش انها وحشه انما منتشره بسخافه يبقى قطع غيارها غاليه ليه؟؟) الروسى يعتبر هو اللادا واللادا فى مصر بينطبق عليها كلمه المطرب الشهير احمد عدويه الادا يا عذالى اللادا مفيش منها فى مصر غير ال2107 عربيه تصميم مقتول موتور ضايع مفيش اى امكانيات جديده ولا حتى قديمه والناس كلها مقتنعه ان اللادا تبقى عربيه الجيش المربعه دى اللى تحس انها علبه سردين قديمه مع انى بشوف تصميمات لادا رهيبه وممكن تقول عليها عربيات رائعه بس طبعا احنا فى مصر كل اللى يهمنا ان العربيه تبقى رخيصه وقطع غيارها متوفره ويمكن يكون موديل ال2107 هو اللى قتل اللادا فى مصر ده طبعا بناء على التوكيل الفااااااااااااااااشل العربيات الايرانى مجربتهاش بس اللى جاب البيجو بيضرب نفسه بالنار كل يوم(الروا) الصينى انا شايف انه كلها ورق ولعب واحد صاحبى معاه اسبيرانزا ال1600 تخيل عربيه 2008 ولازم عشان تقفل الباب ترزعه(ده انا عربيتى موديل 95 وحركه الابواب والتقفيل فيها انسيابيه عن الاسبيرانزا ال2008) جنوط بتصدى ديسكات الفراما مصديه هى كمان الكاسيت بيهنج وبياخد سى دى وميخرجهاش وحاجات كتير فى العربيه الكورى ده بقى هو اللى بصراحه لا بحبه ولا بحترمه ولا شايف انه هيبقى ليه اى مستقبل غير فى البلاد الجميله الرائعه زى مصر كده عربيه زى الماتريكس مفيهاش اى حاجه وتمنها يزيد 8 الاف والناس تشترى طب ليه اصل الماتريكس حلوه(بسكر يعنى) طيب دى مفيهاش اى جديد طيب هى تمنها وصل للرقم ده من الاول ليه عشان المصريين ناس حلوه اللانترا بتمن اللانسر البومه (طبعا هتقولو انت لسه بتقول البومه غاليه على الاقل هنرجع لاصل ابائنا دايما هتلاقى والدك او والدتك يقولو اليابانى طيب ما اجيب حاجه محترمه على الاقل اسمها يابانى بنفس التمن) الكيا الهيونداى مع الاسف بالنسبه ليا نووووووووووووووووووو |
رد: بتحب انهى مدرسة فى صناعة السيارات
انا شايف اول سيارة بتركبها فى حياتك
هى اللى بتفرض عليك الانتماء لاى مدرسة الانطباعات الاولى تدوم |
رد: بتحب انهى مدرسة فى صناعة السيارات
رأي الشخصي
بعد استبعاد السيارات الفرنسية و الصينية مؤقتا حتي تثبت ذاتها تكون المقارنة Apple to Apple مع الآخذ في الاعتبار طبعا عامل البراند لكن ميكونشي العامل الاساسي يكون بنسبة معينة 20% مثلا انا شايف ان التقسيم بحدود جغرافيه مش منطقي لأن الصناعة بقت خلطبيطه |
| الساعة الآن 06:51 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017