المشاركة الأصلية كتبت بواسطة zaraki (المشاركة 351281)

والله يا جماعة الواحد حيران ومش عارف مصلحة البلد فى انه يمشى ولا يقعد
انا بتفرج على كل مواضيع يوم الغضب او اى حاجة عن مصربحس ان الكل بيكدب وكله عاوز حتة من التورتة المتظاهرين اتنفذت مطالبهم مش عوزين يروحو بيتهوم و واقفين حال البلد والاحزاب المعارضة مش عوزين يتفوضوا والاخوان عوزين البلد تخرب عشان يحكمو البلد رغم انف الشعب التقريبا كده زهق ومبقتش بتفرق معاه مين يمشى او مين يقعد او حته مين يحكم ومين ينفذ الاحكام .
فى الاول كانت المطالب مشروعة وممكن تتحقق بسهولة و دلوقتى الموضوع بقى معقد عوزين يحلو مجلس الشعب وفى نفس الوقت عوزين يعدلو الدستور وعوزين النظام يستقيل و عوزين مبارك يمشى قبل اى شئ .
طايب كويس مين بقى الهينفذ المطالب ؟؟ مهو الحكومة كولها مش موجودة مين الهيعدل الدستور ومين هيعين الوزراء الجدد ومين هيمشى امور الدولة فى الفترة دى ؟ البلد فى موقف غريب والله الواحد محتار انهى احسن ان مبارك يمشى ولا يقعد لنهاية المدة او لحد ما الاحوال تستقر حتى
كان الله فى عونك يا مصر

المشاركة الأصلية كتبت بواسطة cheetosmini (المشاركة 351953)

اعتقد ان ستمبر الجاى مش بعيد دى شهور معدودة