مصر موتورز مجتمع السيارات - تمبرا أم برافا أم الفار وميو ؟؟؟؟

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - تمبرا أم برافا أم الفار وميو ؟؟؟؟ (https://www.masrmotors.com/vb/showthread.php?t=4665)

رد: تمبرا أم برافا أم الفار وميو ؟؟؟؟

الالفا جمييييييييييييييله للصبح .... بس في كام عربيه الفا في شوارعنا ....
البرافا حلوه و منتشره (نسبيا )عن الالفا
التمبرا جامده و متوفره اكتر و بالتالي قطع غيارها تكون موجوده اكتر وبالتالي اسهل واحده في التلاته في عمليه اعاده البيع
لو حختار بقلبي .... يبقى الالفا
لو حختار بعقلي يبقى التمبرا
لو احترت ما بين الاتنين يبقى البرافا ... خصوصا انها اصغر ب 4 سنين و يفترض تكون حالتها احسن ( لكن مش شرط او معيار )
اتمنى يكون كلامي فادك ... مش فذلكه والله ... لكن العربيه لازم تكون مستريح لها ...
فلو في عربيه مش مستريح لها ... استبعدها الاول وبعد كده تختار

واهم حاجه الحااااااااااااااله ...

رد: تمبرا أم برافا أم الفار وميو ؟؟؟؟

شوف الاول انت ساكن فين
و مدي توافر قطع الغيار في منطقتك
انا كنت داخل اكتب الكلمتين اللي فوق بس سامح باشا سبقني
البرافا بحسها متبهدله اوي بس الله اعلم اصحابها مش لاقين قطع غيار و لا اهمال
الالفا روميو عربيه حكايه و من امنياتي اني اجيب واحده قريب مكان السويفت.
التمبرا هو اختيار العقل بصراحه .
اسال علي قطع غيارهم عند الكيلاني و شوف مين يناسبك اكتر

رد: تمبرا أم برافا أم الفار وميو ؟؟؟؟

اقتباس:

المشاركة الأصلية كتبت بواسطة sam ram (المشاركة 18679)

سامح باشا , كلام زين و عين العقل , انت ذوقك زيي أنا نفسي في الالفا 146 لكن خايف أتدبس فيها

سألت عقلي فأصغى و قال لا لن تشتريها و قال قلبي نفسي أشتريها و لن أحب سواها .

سؤال آخر : انتظر قليلا لاني متأكد أن العربيات الزيرو سترخص و بالتالي المستعمل و الا أضغط على البائع و أحاول أفاصل في سعر كويس ؟؟؟؟؟؟؟؟؟؟

رد: تمبرا أم برافا أم الفار وميو ؟؟؟؟

اقتباس:

المشاركة الأصلية كتبت بواسطة hazem_khidr (المشاركة 18742)

حازم باشا , سألت عند الكيلاني و يوسف , كل هذه الموديلات قطع غيارها موجودة لكن أغلاهم الالفا 146 يعني مثلا جوز المساعدين الامامي ب 1200 جنيه , طلمبة البنزين ب 600 جنيه , الدينامو ب 1000 جنيه .

أنا مثلا دينامو ال 125 غيرته من يوسف ب 250 جنيه بولندي أصلي .

البرافا موجود قطع غيارها لكن غالية تقريبا زي الالفا و يمكن هو ده السبب في بهدلتها أن الناس بتطنش على تغيير شئ فيها .

التمبرا أرخصهم في قطع الغيار , جوز المساعدين الامامي ب 400 جنيه , طلمبة البنزين 180 جنيه .............
يعني في المعقول .

لو بتفكر تجيب الفا 146 راجع نفسك اكثر من مرة كما فعلت أنا لان مسئولية تشغيلها كبيرة و مكلفة

رد: تمبرا أم برافا أم الفار وميو ؟؟؟؟

اقتباس:

المشاركة الأصلية كتبت بواسطة abdelmessih67 (المشاركة 18823)

وانا كمان نفسي في عربيه الفا روميو .... انما ptmnlo123per1106
والله اعلم اشك ان موضوع العربيات الزيرو حيأثر على المستعمل خصوصا ان لسه في شد و جذب ....
لكن ركود السوق و احتياج البائع للبيع هو اللي يأثر على السعر ...

فرأيي الشخصي ان الجو الحالي ممكن يكون احسن في شراء المستعمل نتيجه لركود السوق
وكمان لأن فتره الشتا بطبيعتها بتكون حركه البيع و الشرا هاديه عن فصل الصيف
فلو في حاجه كويسه قدام حضرتك استخير ربنا و توكل عليه
وشوف برضو رأي الزملا ايه
وربنا يوفقك