مصر موتورز مجتمع السيارات - اقوي فيديو يشرح كيف يعمل الترس التفاضلي وهو اساسي في ال 4x4

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

رد: اقوي فيديو يشرح كيف يعمل الترس التفاضلي وهو اساسي في ال 4x4

اقتباس:

المشاركة الأصلية كتبت بواسطة حسام البورسعيدى (المشاركة 343030)

الكرونة طبعا مفيدة جدا على الطرق المسفلتة ولكن فى بعض الاحيان تسبب مشكلة فى الرمال ..

لان العربية لما بتغرز فى الرمال ممكن عجلة واحدة تفضل تلف (ع الفاضى ) والتانية تقف ...

علشان كده عملوا انظمة حديثة للغلق الكرونة فى حالة الغرز فى الرمال (LOCK DIFFERENCIAL)

.

شوف يا حسام باشا علي فكره انا كمان اسمي حسام
علي شان خاطر الحكايه دي بعض الشركات اخدت بحل تالت اللي هو
جعل السياره في الاساس جر امامي
وطبعا طالما علي الطريق هيبقي الجر افضل من الدفع في الطرق المعبده و مش محتاج الترس التفاضلي ( الكرونه) في حاجه
طيب بره الطريق يعني في الاوف رود بتبقي سحب امامي او دفع رباعي و مش محتاجه التفاضلي و قلته افضل

رد: اقوي فيديو يشرح كيف يعمل الترس التفاضلي وهو اساسي في ال 4x4

اقتباس:

علي فكره انا كمان اسمي حسام

دا شرف ليا وللاسم والله يا كبير GIFT4U

اقتباس:

وطبعا طالما علي الطريق هيبقي الجر افضل من الدفع في الطرق المعبده و مش محتاج الترس التفاضلي ( الكرونه) في حاجه

ازاى بس يا كبير ..

الترس التفاضلى مهم جدا ومينفعش الاستغناء عنه فى اى عربية ..

بس الموضوع ان فى الصحراء (الرمل الكثيف) بنحتاج ان القوة تكون متساوية على العجلات الاربعة علشان كده بعض العربيات الرباعى فيها اختيار قفل الكرونة علشان متغرسش فى الرمل ..

رد: اقوي فيديو يشرح كيف يعمل الترس التفاضلي وهو اساسي في ال 4x4

اقتباس:

المشاركة الأصلية كتبت بواسطة حسام البورسعيدى (المشاركة 343153)

دا شرف ليا وللاسم والله يا كبير GIFT4U

ازاى بس يا كبير ..

الترس التفاضلى مهم جدا ومينفعش الاستغناء عنه فى اى عربية ..

بس الموضوع ان فى الصحراء (الرمل الكثيف) بنحتاج ان القوة تكون متساوية على العجلات الاربعة علشان كده بعض العربيات الرباعى فيها اختيار قفل الكرونة علشان متغرسش فى الرمل ..

والله عارف ان انت هتقول كدا
انا اقصد المصطلاحات الدارجه علي شان من توهش مع بعض و نتوه الناس معانا في تقاضلي امامي ووسطي و خلفي
يا باشا نتكلم عن الدارج و المعروف يعني لما نقول كرونا المكنيكي هينزل تحت العربيه من ورا و لو قلت له الكرونا الاماميه لو مالوش في الدفع الرباعي هيتنح و يبص الاول و بعدين يضحك و ينزل
معرفش بقي لو قلت له اللي في النص هيعمل ايه
جري العرف علي ان الكرونا ورا فهتلاقيني كاتب الكرونا اي الجهاز التفاضلي الخلفي مش اقصد الجهاز التفاضولي او الفكره ككل
بمعني اخر لما اقول مش محتاج كرونه اقصد المعني الدارج اللي الناس تفهمه (الجهاز التفاضلي الخلفي ) وبعيد عن المصطلاحات الفنيه و الهندسيه يا كبير زي طرق قفل الكرونا و الكلام ده