مصر موتورز مجتمع السيارات - ازاى اعرف لو المساعدين بتوعى فيهم مشكلة

مصر موتورز مجتمع السيارات (https://www.masrmotors.com/vb/index.php)

- عفشة السيارة (https://www.masrmotors.com/vb/forumdisplay.php?f=152)

- - ازاى اعرف لو المساعدين بتوعى فيهم مشكلة (https://www.masrmotors.com/vb/showthread.php?t=45822)

رد: ازاى اعرف لو المساعدين بتوعى فيهم مشكلة

اقتباس:

المشاركة الأصلية كتبت بواسطة hazem_khidr (المشاركة 336998)

المساعد التالف بتلاقي مرشح زيت
و كمان زي ما بوينتر قالك تضغط علي مكان كل مساعه
لازم و انت بتضغط ما تسمعش اي صوت و تلاقي العربيه بتنزل ببطأ
و بتطلع ببطأ برضه من غير اي مرجحه
و كمان لو المساعد بايظ حتسمع صوت عند كل مطب

تمام
شوف الناس الجامده
بس خلي بالك ان الصوت وانت بتنزلها او في المطبات زي ما حازم بك قال يبقي طالع من المساعد مش من العفشه

رد: ازاى اعرف لو المساعدين بتوعى فيهم مشكلة

متشكر يا بونتير باشا ومتشكر يا حازم بك اصلى انا شكيت وانا بربط عفشة عند عفشجى اول مرة اروحلو وكان عندى بطاحة اوشكت على البواظان فروحتلو وجبت بطاحة اصلى زى الاى فى العربية بضبط الاصلية بتاعت العربية ووديتهالو يقولى دى مش الاصلية قولوتو دى زى الاى خارجة من العربية بضبط مردش وقالى كويسة وبعد كدة وهو شغال قالى المساعد الشمال دة وحش خالص وهيقعد معاك شهر بالكتير وقالى على نوع اجيبو اسمة منرو قولتلو المساعد الشمال بس قالى الاثنين مع بعض وانا سايق بقصد ادخل حتت مكسرة علشان اسمع صوت للمساعد وهودة الاى انا اعرفو المساعد لما بيبوظ بيعمل صوت مفيش اى صوت خالص والعربية حتى على الطريق فى مفيش اى حاجة خالص انا حسيت انة نصاب لانى لقيت عند قطع غيار كتير وكان عايز يحطلى بطاحة قديمة ويقولى عاليها اتيراد وشكلها طالع عين ابوها بس ان دلوقتى عملت الموضوع دة وضغط جامد النزول بطئ والصعود طلع مرة واحدة عالى وبعد كدة رجع ثبت تانى يعنى اضغط واسيب يطلع لفوق مرة واحدة وبعد كدة يثبت تانى

رد: ازاى اعرف لو المساعدين بتوعى فيهم مشكلة

مشكوررررررررررر

رد: ازاى اعرف لو المساعدين بتوعى فيهم مشكلة

المساعد لو بايظ العربية مش هتمتص أي مطب، بمعنى إنك هتلاقي العربية بتتنطط على المطبات، وصوت العجل هيبقى مسموع جدا، يعني تحس إنك راكب عربية كارو؛ الأني المساعد فايدته إنه يمتص الصدمة ويكتمها، فلما بيضرب زيت بيفقد الكبس بتاعه، وبالتالي ما بيمتصش الصدمات.
طبعا حضرتك لما بتضغط على مساعد فاسد بيفضل يطلع وينزل لأنه فقد الضغط بتاع الزيت إلا جواه، أما المساعد السليم فبينزل ببطء ويطلع بثبات.
أرجو أكون أفدتك، وربنا يكفيك شر الصنايعية معدومي الضمير وإيانا يا رب.

رد: ازاى اعرف لو المساعدين بتوعى فيهم مشكلة

بص الموضوع مش انك تضغط بالراحه
هو تضغط جامد كذا مره ورا بعض
المفروض تحس بتقل و انت بتضغط و كمان العربيه و هي بترد تاني ترد بتقل
و بعدين المساعد لما بيبوظ الاول بيجيب زيت و بيفضل لسه شغال
و بعد كده بيخف و يطلع صوت
هي العربيه موديل كام و عامله كام كيلو؟؟