رد: الرجاء الدخول من اهل الخبره محتاج مساعده وبالاخص صديقى اسد
 

انا بقى العم اسد وبوافقك ياالعم نوح فى اللى قلته وخاصة الجولد وينج

رد: الرجاء الدخول من اهل الخبره محتاج مساعده وبالاخص صديقى اسد
 

بص ياأخ ميدو انا هكلمك عن رأيي الشخصى اللى قدرت اكونه هنا من الاخوة الافاضل وخاصة الاخ جاك بوكس ( هشام سعد سابقا ) ومن السوق ايضا ( سوق البايكس مش سوق الخضار )
المهم توصلت لان الهوندا بصفة عامة هو السائد فى السوق المصرى وهو اكثر عملانية من حيث الصيانة وقطع الغيار وسعر اعادة البيع
وبالنسبة للاقتناء من رأيي برضه ان جميع موديلات الكاستم تستاهل الاقتناء لانها فعلا تعتبر تحفة فنية وشكلها كلاسيك تشبه الموديلات القديمة بفخامتها وتشعر وكأنها هاند ميد ( باستثناء الهارلى فهو هاند ميد فعلا ) علاوة على ان الكاستم مريح جدا للسفر وثابت على الطريق
وفى حالة اقتنائه يجب ان تقتنى كل ماله قيمة عالية اذا يفضل اقتناء الاعلى قيمة ولذلك يفضل الجولد وينج ويليه ال VTX 1800 ويليه ال VTX 1300 هذه الموديلات الافضل للاقتناء وللاستخدام المرفه على سبيل الهواية ثم الشادو ال750 وال 400 بس هذان الموديلان افضل فى الاستخدام العادى المحترم عن الاقتناء
وهذا رأيى الشخصى المتواضع مع كامل احترامى وتقديرى لعشاق الريس فكل مرحلة ولها عشقها

رد: الرجاء الدخول من اهل الخبره محتاج مساعده وبالاخص صديقى اسد
 

على فكرة الجولد وينج موديلات التسعينات اسعارها بتكون فى حدود ال 50 حتى ال 60 الف ومواتيرها 1500 CC وستة سلندر تحفة فنية ماشية على عجلتين ومن 95 الى 99 شكل وبعدين لغاية 2002 شكل ثم الشكل الحالى واختلافاتها فى الشكل قليلة بس الموتور اصبح 1800 CC يعنى موديلات التسعينات اسعارها كويسة على امكانياتها وفخامتها ومواتيرها معمرة

رد: الرجاء الدخول من اهل الخبره محتاج مساعده وبالاخص صديقى اسد
 

وعن الريس الياماها باقترح عليك ياأخ ميدو انك تعرضه هنا فى المنتدى بصورته ومواصفاته وسعره اللى انت طالبه فيه قبل ماتعرضه فى السوق فواضح انه مميز والزملاء هنا اولى وممكن يتباع بسعر كويس عن المعارض فالفائدة تكون للطرفين والله الموفق

رد: الرجاء الدخول من اهل الخبره محتاج مساعده وبالاخص صديقى اسد
 

وايه رأيك ياكنج فى موضوع الاقتناء وانت استاذ الاقتناء