رد: سؤال لاهل الخبرة وخاصة مهندس سمير
 

الف شكر للسادة الاعضاء اللذين شرفونى بالرد
مهندس سمير عند حل الوش لقينا فيها 2 جوان فعلا اية العمل يا هندسة سؤال ثانى فين مكان الفيشة دى مع العلم ان السيارة2001 اتوماتك و شكرا على الاهتمام

رد: سؤال لاهل الخبرة وخاصة مهندس سمير
 

يبقى أكيد المكنه دى كانت سخنت قبل كده من مالكها الأولانى

والوش مقفع حاجه بسيطه

وأضطر لتركيب عدد / 2 جوان وش سلندر للتغلب على عملية التقفيع لرأس السلندر

العمل عمل ربنا

ممكن تسأل الميكانيكى الفالح

نعمل أيه دلوقتى علشان نزود الغرفه

نركب دستة جوانات مثلا

الفيشه بتكون ملحقه بوحدة التحكم

ولازم تعرف مكان وحدة التحكم ....علشان توصل للفيشه

عندى بنوبيرا 2007 مانيوال

وتقريبا فى كل الطرازات المانيوال

وحدة التحكم بتوصلها لو حليت الفيبره الفيبر الموجوده أسفل القائم الأيمن الأمامى

تحديدا ( القائم ده عند الركبة اليمين للجالس بجوار السائق )

حتحل مسمارين بلاستيك وواحد معدن بيمسكوا الفيبره دى

حتبص تلاقى وحدة التحكم معلقه جانبيا

حتحاول تشوف الضفيره والأفياش الواصله أليها

ممكن تلاقى الفيشه عندك من ضمن ملحقات ضفيرة وحدة التحكم

بس مش عارف ليه

ايه ياترى

أنا شاكك أنها ممكن متكونش عندك

لسبب رئيسى ....وهو أن سيارتك أوتوماتيك

فهنا المشكله ...نظرا لأن عمليات النقل فى الأوتوماتيك بتتم دون تدخل العنصر البشرى

أى آليا

وكده ممكن البنزين 80 مينفعش عندك

عموما جرب وشوف

فيه فيشة أوكتان عندك ولالا

رد: سؤال لاهل الخبرة وخاصة مهندس سمير
 

مهندس سمير شكراعلى تعبك بس السيارة كانت ماشية بنزين 80 و 90 عادى مفيش
فرق
والسيارة كانت زى الفل مرة واحدة بقيت تعد اثنين والرشاشات تمام وغيرنا البوجيهات بعد كدة الميكانيكى قال دة جوان بيهرب الكبس و فعلا لقينا الجوان مقطوع بين الغرفتين واسف على الاطالة

رد: سؤال لاهل الخبرة وخاصة مهندس سمير
 

يبقى غير نفس الجوانين لأحكام غلق غرف الحريق

وخليك على قديمه

زى ماكنت ماشى

_____________

على فكره الصح فعلا

هو الكشف على وش السلندر لمعرفة حالته

والوش بيبقاله جوان واحد مش أثنين

ولو تخللى الميكانيكى يكشفلك عليه ويحدد حالته

يبقى أفضل برضه

لعدم تكرار ماحدث



والرأى لك طبعا

رد: سؤال لاهل الخبرة وخاصة مهندس سمير
 

عاوز برضه أوضحك حقيقه لما تفرضه عليا الأمانه العلميه

1- تركيبك لجوانين مش صح أبدأ ووارد جدا تبص بعد فتره بتكرار حلك لوش

السلندر من أجل علاج مشاكل الحريق

والخوف كمان أن يحصل تهريب لمية التبريد لكرتير الزيت وأنت مسافر سفر طويل

2- واضح أن اللى باعلك العربيه كان عامل الموضوع ده كمسكنات على مايبيع

العربيه

( نظام نصب وغش يعنى )

لأن موضوع الجوانين ده

ملوش أى أسس علميه

ومجرد أختراع جاهل من بعض جهلة الصنايعيه للأسف