رد: الرسالة دى بجد ولا طريقة نصب
 

انا متشكر جدا لحضراتكم ربنا يبارك فيكم
انا فعلا مش غاوى اشترك فى مسابقات
حتى زمان لما كنت فى اعدادى وثانوى لما كنت باشترك عمرى ما كسبت حاجة
وده اللى خلانى استغربت يعنى اول مرة اكسب يبقى بى ام
يمكن ده اللى بيقولوا عليه اول ما شطح نطح ههههههههههه




تحياتى للجميع

رد: الرسالة دى بجد ولا طريقة نصب
 

جالي اعلان مشابه و رديت لقيتهم بيقولولي كسبت 500 الف استيرليني في مسابقة شركة كوكاكولا و كانت محبوكة و في الاخر قالولي ابعت 300 استيرليني مصاريف تحويل المبلغ ليك في بلدك! قلتلهم سوكومونص ! يعني يكسبوني نص مليون و ممعهم 300 جنيه يبهتوا المبلغ! طب ما يخصموا ربع مليون مصاريف شحن ! و اللا اقولوكوا ابعتولي انا ال 300 جنيه استيرليني و انا راضي!!! بعتلهم ده في الايميل و مردوش عليا بعدها مع اني مراسلاتنا كانت شبه يومية لاستلام الجايزه!!! عرفوا ان انا سحتجي

رد: الرسالة دى بجد ولا طريقة نصب
 

تصور انا ممكن تكون اخرتها كده برضه
طيب يبعتوا العربية وبلاش الفلوس
او الفلوس وانا اشترى العربية بمعرفتى
او حتى اجيب بريليانس هى برضه من ريحة البى ام




تحياتى للجميع

رد: الرسالة دى بجد ولا طريقة نصب
 

يقطع النت عالنتيت على عايناتتوه دى مزاورة و حصلت قبل كده برضه طلبوا منه مبلغ بس انا صاحبى كان جشع و حول و اتنصل عليه

رد: الرسالة دى بجد ولا طريقة نصب
 

ولا تسأل يا باشا ولا تفكر اصلا ولا تشغل بالك وجالى اكتر من مرة على الاميل رسايل زى كده واول حاجة تعملها امسح على طول