مصر موتورز مجتمع السيارات - طريقة سهلة لغسيل الريداتير ودورة المياه بدون فك ..

مصر موتورز مجتمع السيارات (https://www.masrmotors.com/vb/index.php)

- المنتدى التعليمى والمكتبة الفنية (https://www.masrmotors.com/vb/forumdisplay.php?f=158)

رد: طريقة سهلة لغسيل الريداتير ودورة المياه بدون فك ..

اقتباس:

المشاركة الأصلية كتبت بواسطة حسام البورسعيدى (المشاركة 296835)

السلام عليكم ورحمة الله وبركاته

اكيد كتير مننا بيلاحظ عند تزويد الميه بالريداتير او القربة وجود صدأ فى الميه وده طبعا ممكن يسبب سخونة للموتور ومشاكل كتير ..

وكتير مننا بيروح لمتخصص ريداتير علشان يغسل دورة الميه وياخد منه 15 او 20 جنيه .. مع ان ممكن يعملها بنفسه ..

طبعا علشان تغسل دورة الميه هتحتاج خرطوم ميه وبنسة و مفك ..

1- اول حاجة هنفك خرطوم الراجع من الموتور (الخرطوم اللى بترجع فيه الميه من الموتور للريداتير تانى .. وده اللى بيكون واصل فى الريداتير من فوق) وهنفكه بفك الكلبس او الافيز اللى مربوط بيه (ممكن نفكه من ناحية الموتور او من ناحية الريداتير الاتنين واحد)

2- وبعدين هتفتح غطا الريداتير وتدور العربية وتفتح المية على اخرها (خرطوم الميه) وتحط الخرطوم فى فتحة الريداتير وتبدأ تزود بنزين جامد (على RPM 4 او 5) باستمرار لمده دقيقتين او تلاته ..

هتلاحظ فى الاول ان الميه الخارجة من الموتور مليانه صدأ وبعدين تبدا تنضف ..

3-وبعدين شيل خرطوم الميه من الريداتير واستنى لما كل الميه تخرج من الموتور ..

4- وبعدين تبطل العربية بسرعة وتركب خرطوم الريداتير مكانه تانى ..

5- وبعدين هتدور العربية وبسرعة تبدأ تحط ميه فى الريداتير ويستحسن تحط ميه خضرا او حمرا ..

وبعد الريداتير ما يتملا اقفل الغطا وافتح القربة وزود فيها ميه لغاية علامة MAX ..

وكده تبقى انت غسلت دورة الميه وغيرت الميه بنفسك من غير صنايعية ووجع قلب ...

يا رب الموضوع يعجبكم وتستفيدوا منه ...

شكرا يا باشا على الافكار العظيمة دى

رد: طريقة سهلة لغسيل الريداتير ودورة المياه بدون فك ..

رائع يا حسام
بخصوص الميه الخضرا او الحمرا بعد كده بتززود مايه من الحنفيه ولا ايه النظام ؟؟؟؟؟
ولكم جزيل الشكر

رد: طريقة سهلة لغسيل الريداتير ودورة المياه بدون فك ..

شكرا يا معلم حسام دى وصفه هايله دى وصفه سهله هات يابنى شيشه للمعلم على حسابى

رد: طريقة سهلة لغسيل الريداتير ودورة المياه بدون فك ..

كنت فين ياحاج حسام من زمان , شكرا على الحلاوة دي

رد: طريقة سهلة لغسيل الريداتير ودورة المياه بدون فك ..

والله يا استاذ حسام انت جيت فى وقتك تمام

انا عندى العربية من 2007 مزودتهاش مية غير مرتين أفتكر

واخر مرة من سنة ونصف تقريبا ولقيت المية عند علامة المينى

وقلت أزود الشوية الصغيرة بمية خضراء وبعدين قريت ان المية المفروض تتغير كل 3 سنين

فاشتريت جركن مية خضرا من شهر وعاوز اغيرة بنفسى

هل لازم احط خطوم المية علشان انظفة عشان خايف من المية فهل ينفع انزل المية واحط الجديدة
وخلاص

سمعت ان فية طبة للرادياتير مش عارف مكانها فين وخايف افكها لحسن تبوش وخصوصا انها من تحت الرادياتير

ولا اعمل ايه

السيارة نيو اكسنت 2007