رد: كيفية أعادة ضبط معايرة مؤشرات العدادات ؟
 

ازيك يا باشا والله زماااااااان
انا يا هندسة فكيت المؤشرات عادي عشان اغير لون العدادات اقتباساً من الزميل أبو فارس مع انه ماقالش نفك المؤشرات بس انا حبيت اتفزلك شوية واهي جت على دماغي ... بالنسبة لمؤشر الحرارة والبنزين والار بي ام انا ظبطتهم يعني لما اعربية سخنت اوي خليت مؤشر الحرارة تحت النص شوية وفولت العربية وخليت مؤشر البنزين على اخر شرطة ونفس الكلام مع مؤشر الار بي ام .... انما المشكلة بقى في مؤشر السرعة مش عارف اضبطه خالص ... محتاج مساعدتك والنبي يا هندسة ومبروك للأسماعيلي ...

رد: كيفية أعادة ضبط معايرة مؤشرات العدادات ؟
 

على فكره أنا أهلاوى من زمان

ونظرا لخيبة الأهلى التقيله

لأن الناس الحلوه خلاص

الخطيب & مصطفى عبده & مختار مختار & شطه & غيره

دلوقتى

اللعيبه بأو آخر دلع

عاوزين فلوس وخلاص

ونظرا لأننى خلاص

رميت طوبة الكره المصريه من زمااااااااااااان

فأنا بأحيى الأسماعيلى ( لأن بيقولوا لجحا .....فين بلدك ياجحا )

_______________________

المهم

أنت محتاج ترجع مؤشر العداد لأقصى وضع السكون علشان يبدأ يتحرك معاك من تحت

فحاول ترجع المؤشر على أدنى مستوى له يسار العداد

لأن للأسف

العداد ده مرتبط بحركة العربيه

وممكن تشوف زاوية تركيب المؤشر على محوره

جايز تكون خالفه معاك سنه ومحتاج تعدل زاوية تركيب المؤشر سنه لتحت يسارا

غير كده

متعملش أى حاجه تانيه ولاتسمع كلام كهربائى يفتيلك فى حساس سرعه وغيره

لأن العمليه معاك

مجرد ضبط لوضع تركيب المؤشر لأسفل

______________

وممكن حاجه تانيه

حاول تلفف عمود المؤشر بخفه للشمال بحيث تجيب بوش عكس عقارب الساعه على

قدر المتاح

بحيث المؤشر يركب على الوضع ده

رد: كيفية أعادة ضبط معايرة مؤشرات العدادات ؟
 

ححاول اعمل زي ماحضرتك قولتلي وربنا يسهل

رد: كيفية أعادة ضبط معايرة مؤشرات العدادات ؟
 

بص يا استاذ elakawy

الموضوع اسهل مما تتخيل

انت فاكر موضوعى بتاع تغيير اضائة اللانوس http://www.masrmotors.com/vb/showthread.php?t=40309

هتمشى نفس خطوات الفك

هتفك وش العدادات

هتفك مؤشر السرعه

هتوصل الثلاثة فيش فى ضهر لوحة العدادات تانى

هتدور العربيه

هتركب مؤشر السرعه تانى وتخليه لاصق على الدليل ( الصفر ) والعربيه واقفه بس دايره

هتقفل عكس ما فكيت

ألف هنا وشفا يا جميل

وابقى ادعيلى

رد: كيفية أعادة ضبط معايرة مؤشرات العدادات ؟
 

معلش يا باشا مش فاهم النقطة دي ... يعني حدور العربية وبعدين حركب مؤشر السرعة ؟؟؟ بس كده ؟؟